秀韓國餐館 (已結業)

星期六shopping完唔知食乜好，近日食得太多日本菜，转下食韩国菜，行o左去韩国街揾食。见到呢个好似新开不久，又光猛干净，所以拉埋老公入去。一入到去见到两个高大几型的韩国仔，同一个几靓的后生太太，唔怪得近期d韩星咁受欢迎，原来一般的年轻韩国人都几好样。个menu选择唔多，但价钱比一般平。叫了个什锦石头锅饭、酸辣冷面同炸饺子。同一般韩式料理一样，先o黎前菜三小碟，有泡菜、萝卜、大豆芽、菠菜等等，味道比一般的淡。什锦石头饭份量好似比其他韩国餐厅为少，不过两个人食刚好。泡菜同酱汁唔够辣，饭焦亦唔多，不过都不失香味。酸辣冷面-酸辣两种味道相比下，辣味程度较大，酸味较淡。而面身又比其他韩国餐厅好，因为食过其他的冷面好难咬得开，而这间烟韧得来较易食。炸饺子-这个饺子做得不错，炸得好脆口外，难得唔多油。内里的料又不会因炸过关系而干。总括来讲这间唔错，价钱又平，而且比起其他韩菜味道冇咁浓，食完都唔觉口喝想饮水，可以再试。p.s.原来lazyqueen同kc一早食过呢!