大隻佬麵家 (已結業)

放工后带朋友仔去试下大只佬面家。每次去到都心大心细，好难决定食咩。餐牌上各式各样嘅汤面，捞面捞河实在太吸引～是次㸃咗姜葱豉油王捞面，浓情金莎捞面，油菜同净云吞。 云吞大小适中，一口一粒，虾肉爽口加上少量肥猪肉嘅油香，佩上韭皇清汤绝对唔俾麦奀记逊色。 浓情金莎捞面即系豉油王捞面加上适量炸香咗嘅大地鱼碎比一般嘅虾子捞面更有特色。大地鱼香脆，幼面沾满秘制豉油皇，面质弹牙，口感十分丰富。除捞面附上由大地鱼和虾榖制成嘅清汤，味道鲜甜重有大量葱花香。从食材嘅配搭到烹调，都可感受到大只佬嘅细心和诚意。