影片
更多
2015-09-05
598 浏览
每次出亲街都面对一个解题。就系唔知食乜。尤其系去旺区就更加谂唔到。通常谂唔到食乜。最好就去食放题。有冻有热有生有熟。自己想食乜就嗌乜 。人在旺角。见到有日式烧肉放题咁就去试下。入到去环境唔算阔落。胜左楼底够高感觉唔太逼。$18X 一位烧肉两小时任食。仲有埋刺身熟食野饮甜品。加$40仲有得upgrade包埋羊架呀帆立贝果啲。先讲野饮烧肉黎罐汽水可乐唔少得。解热气吗。 呢到好贴心。可以嗌个一人前凉茶！细细壶最紧要系够冻。虽然唔系好浓但系都饮得出淡淡嘅夏枯草味。个人觉得唔错。起码心理上冇咁罪恶。先黎就梗系刺身。嗌左三文鱼带子北寄贝呢d大路野都正正常常。都算亲鲜又比得足。熟食方面。天妇罗都ok食得过。唔会话食到你成口油。仲叫左佢个一口蕃薯仔。炸得啱啱好。个皮够脆入面又软林林。另外个三文鱼头汤都唔错。饮落唔腥之余足料。烧肉方面。佢个炉系有张牛油纸系面。等你烧肉果阵唔痴底。唔会好似其他烧肉咁要成个架换。净系需要换张纸。悭返d时间烧多几旧肉食。同埋啲野冇咁易㶶。食完都好似冇咁热气。牛有牛舌牛肉粒牛肋肉。分汁烧盐烧。猪有猪腩片仲有芝士粉好惹味。鸡有肶肉鸡翼同软骨。个香草味又唔错几够味㖞食到净返半个钟就
每次出亲街都面对一个解题。就系唔知食乜。尤其系去旺区就更加谂唔到。通常谂唔到食乜。最好就去食放题。有冻有热有生有熟。自己想食乜就嗌乜 。
人在旺角。见到有日式烧肉放题咁就去试下。入到去环境唔算阔落。胜左楼底够高感觉唔太逼。$18X 一位烧肉两小时任食。仲有埋刺身熟食野饮甜品。加$40仲有得upgrade包埋羊架呀帆立贝果啲。
先讲野饮烧肉黎罐汽水可乐唔少得。解热气吗。 呢到好贴心。可以嗌个一人前凉茶！细细壶最紧要系够冻。虽然唔系好浓但系都饮得出淡淡嘅夏枯草味。个人觉得唔错。起码心理上冇咁罪恶。
先黎就梗系刺身。嗌左三文鱼带子北寄贝呢d大路野都正正常常。都算亲鲜又比得足。
熟食方面。天妇罗都ok食得过。唔会话食到你成口油。仲叫左佢个一口蕃薯仔。炸得啱啱好。个皮够脆入面又软林林。另外个三文鱼头汤都唔错。饮落唔腥之余足料。
烧肉方面。佢个炉系有张牛油纸系面。等你烧肉果阵唔痴底。唔会好似其他烧肉咁要成个架换。净系需要换张纸。悭返d时间烧多几旧肉食。同埋啲野冇咁易㶶。食完都好似冇咁热气。
牛有牛舌牛肉粒牛肋肉。分汁烧盐烧。猪有猪腩片仲有芝士粉好惹味。鸡有肶肉鸡翼同软骨。个香草味又唔错几够味㖞
食到净返半个钟就会有职员埋黎放枝迷你鲤鱼旗黎提醒你食快少少。呢个时候再嗌埋甜品 雪米糍同雪糕。
食饱饱行出砵兰街头。发梢之间少不了烧肉的油烟。喉间却没多大热气之感。
张贴
