影片
更多
2021-11-28
1457 浏览
同老公钟意周围揾野食成日去荃湾行街，行去荃湾广场时经过呢间食越式野有人排队，心谂：有人等应该唔会差得去边就拎飞等位，等左一阵就有位啦我叫左碗招牌火车头金边粉老公叫左海南鸡配白饭仲叫左加配小食：蒜蓉包2件&轻盈酸辣凤爪饮品：柚子柠檬梳打& 冻柠茶饮品味道正常，柚子柠檬梳子我仲觉得几好饮主食火车头金边粉-有札肉片、牛腩片、牛丸、生牛肉，每样各2片/粒。碗入面仲有3大旧萝卜，几入味～碗野唔觉十分好食，最好食反而系果3旧萝卜啰～仲有想讲，果两块牛腩片仲有好大块肥膏，食到既肉唔多海南鸡配白饭-D鸡几大件，不过食落冇乜鸡味好一般啫小食蒜蓉包$-呢个真系麻麻地，系几大块呀，不过蒜蓉包冇乜蒜蓉味，仲衰过PxxxxHxx果d，问老公好唔好食，佢都拧哂头轻盈酸辣凤爪-呢个几好，d凤爪都有5只，又唔会太细旧重点黎啦！食左呢餐之后，发觉劲口渴！饮左差唔多成支淳茶都止唔到要买水饮，应该系碗金边粉落左好多味精真系唔明点解有人推介呢间野（系咪食开_），讲平民价我觉得价钱叫合理，唔系特别平啰间野唔算特别好，所以冇影相⋯
成日去荃湾行街，行去荃湾广场时经过呢间食越式野有人排队，心谂：有人等应该唔会差得去边
就拎飞等位，等左一阵就有位啦
我叫左碗招牌火车头金边粉
老公叫左海南鸡配白饭
仲叫左加配小食：蒜蓉包2件&轻盈酸辣凤爪
饮品：柚子柠檬梳打& 冻柠茶
饮品味道正常，柚子柠檬梳子我仲觉得几好饮
主食
火车头金边粉-有札肉片、牛腩片、牛丸、生牛肉，每样各2片/粒。碗入面仲有3大旧萝卜，几入味～碗野唔觉十分好食，最好食反而系果3旧萝卜啰～仲有想讲，果两块牛腩片仲有好大块肥膏，食到既肉唔多
海南鸡配白饭-D鸡几大件，不过食落冇乜鸡味
好一般啫
小食
蒜蓉包$-呢个真系麻麻地，系几大块呀，不过蒜蓉包冇乜蒜蓉味，仲衰过PxxxxHxx果d，问老公好唔好食，佢都拧哂头
轻盈酸辣凤爪-呢个几好，d凤爪都有5只，又唔会太细旧
重点黎啦！食左呢餐之后，发觉劲口渴！饮左差唔多成支淳茶都止唔到要买水饮，应该系碗金边粉落左好多味精真系唔明点解有人推介呢间野（系咪食开_），讲平民价我觉得价钱叫合理，唔系特别平啰
间野唔算特别好，所以冇影相⋯
张贴