麻市滋味館 (已結業)

位置位于佐敦站油麻地站同柯士甸站正中心既麻市滋味馆，其实只系距离百老汇电影中心过两条街。位置虽然系比较难去，但系你食完餐饭都会觉得行咁远系值得嘅。点解我会咁讲?一齐嚟睇我嘅食评先啦。入面坐得都几舒服，有卡位梳化凳。黎到既时候仲早，所以得一两围坐底左。半个钟后，成间餐厅已满，冇book位既都冇得入。我地坐正对住鱼缸既餐牌。由于下场我地仲约左朋友食甜品，所以我地拣左啲冇咁饱肚既食物。睇过openrice既食评，我最后拣左必食既冰镇鲍鱼，白灼虾同盐焗蟹，再加多个金银蛋 苋菜就岩岩好喇。冰镇鲍鱼冇错真系必食既。鲍鱼洗得干净，完全冇沙石痴住，可以一啖放落口，当然我冇咁做喇。鲍鱼充满海水鲜味系肉甜，口感弹牙丰富，够晒肥美。每一啖都系绝佳美味，点埋芥辣豉油，鲜味散发晒出黎。食完一只都真系唔够喉。叫白灼虾既原因就系想试下佢地呢啲虾度够唔够鲜。食开白灼虾都系细细只，呢度9只虾，只只都成只男人中指咁大只，有一半虾有虾膏。味道当然系鲜甜无比，虾肉够实。点埋辣椒豉油更显鲜味，亦正正系点解我地唔点黄金虾既原因。黎到紧系要食蟹!盐焗蟹好少系第二度地方食到，今次亦系我系第一次试。原来咁简单既整法亦令蟹保留原有鲜味。