富山居 (裝修中)

上网见到大埔呢间餐厅啲食评都唔错，今日经开大埔，于是胆粗粗嚟试！食完就知道唔怪得知啲人大赞啦👍🏻我其实系俾佢网上啲猪扒饭嘅相片吸引，因为张张相影到啲猪扒劲大份，引到我口水流🤤所以今日点都要食猪扒饭🤣我哋分别嗌咗两个猪扒饭！各有特色，但都系咁好味❤️炭烧厚切猪扒饭配韩国餐肉蛋，分量十足，炭烧味香，块猪扒又滑嫩。仲有块厚厚嘅餐肉同太阳蛋😋太阳蛋啲蛋汁再加埋佢哋嘅秘制葱油汁，捞饭食真系好正😚经典沙丹厚切猪扒饭配日本珍珠炒饭，浓郁嘅酱汁，一样配埋太阳蛋同块火腿，又系绝配！主角厚切猪扒同样煮得相当出色，一啲都冇过老 ，肉质依然鲜嫩🥳