半熟工房 (已結業)

一路有食开呢度既半熟芝士挞, 相比起同区既另一间.. 我觉得半熟工房更胜一筹的.今日又心思思想买黎食下 每次心情唔好既时候 黎食一个就会开心番晒~ 美食对我黎讲实在太重要!!呢度既半熟芝士挞每十二分钟出炉一次, 今日去到出炉左一阵, 唔算太烫口, 八分热, 咁样仲好, 会容易D入口~我钟意佢挞皮系用牛油曲奇饼底, 好松化, 好香!!!个挞面焗得好靓, 涨卜卜咁样, 薄薄一层咁包实入面准备流出黎既半熟芝士......咬落去芝士馅呈流心半熟既状态, 质感软棉棉, 够晒软滑creamy, 超级正, 听店员讲个芝士馅仲系以北海道和美国忌廉芝士两款芝士调制, 所以芝士味都好够香!人流方面, 依家真系冇之前咁多人排队, 甚至有时系唔洗排就买到, 但对我地呢D真.芝士控黎讲其实系一大喜讯~因为可以快D买到黎食 我一定会多D黎支持!!!!顺带一提, 依家出左一样叫"叶子派"既新产品, 好得意 形状系一块叶~好似都唔错, 下次食完再分享!