爆丼屋 (山東街)

营业中

休息中

我近期去台湾同日本都有去揾丼饭嚟食，朋友突然话想食丼饭，系香港想揾间浮夸又丰盛嘅丼饭，非爆丼屋莫属，成日见到人Post出嚟都好吸引，一直都放系我嘅口袋名单，今次终于揾到人陪我去试。丼饭选择都几多，老实讲真系款款都好吸引，样样都好想食，拣咗好耐最后决定选择店内人气最高𠮶两款。✨三色海胆盛丼 人气No1，海胆覆盖住整碗丼饭，海胆好新鲜，味道甘甜入口软滑即溶，每食一啖都充满幸福嘅感觉，好满足呀。✨超份量·三重大极上丼 呢款系人气No2，主角当然系拖罗、最面层有海胆，然后仲有蟹肉围住碗丼饭，拖罗都好新鲜，油花都好靓，冇咩筋，又系入口即溶，满口鱼油香味。海胆都一样甘甜美味、蟹肉又系鲜甜，唔使加豉油同Wasabi 都已经好好味，完全食到新鲜嘅味道。✨面豉汤食丼饭赠送嘅，都几足料架，味道都OK 嘅。☕️热白桃乌龙茶 ☕️热桂花乌龙茶 乌龙茶系用茶包冲嘅，两杯都好浓郁，应该可以加水冲多杯饮都得😂总结：两碗丼饭都好好味呀😋，价钱虽然唔算系好平，但食完𠮶种满足感都值得试下。