La Resaca (已結業)

今日黎到湾仔西班牙酒吧餐厅叫La Resaca餐牌有好多选择有套餐可以拣仲有好多酒饮一坐低, 嗌完嘢食, 店员就送上佐两杯好得意细细杯既柠檬生啤俾我地试下, 介绍话好啱女士饮, 我试佐一啖之后发觉都真系好滑, 淡淡地好易入口, 系好饮既, 唔系好饮得酒既我完全接受到, 下次会嗌黎饮唔饮酒都有非酒精饮品提供选择, 橙汁真材实料冇药水味, 酸酸甜甜好饮香辣虎虾意大利粉有四大只虎虾, 虾肉唔使自已剥, 肉质非常新鲜弹牙, 意粉有少少辣, 索晒啲汁好入味好正最期待既西班牙乳猪终于出场啦, 睇卖相已经留晒口水, 再放入口, 呢一餐值得了, 外皮好薄好松脆, 内里嫩滑多汁, 每一啖都超满足, 配埋焦糖菠萝, 完美解到腻, 真系超级超级好味, 食完几日都仲回味紧, 一定会再去食要留肚食既甜品一定系西班牙油条, 啱啱炸起, 热辣辣, 外层铺满砂糖, 又甜又脆又香口, 配酱食仲好食