南島

营业中

休息中

想起上次在家附近南島食過海南雞飯，忽然間好想再食一次，所以就嚟咗西灣河嘅南島。坐低已經聽到前邊同後邊嘅客人叫海南雞飯，我都叫咗一客海南雞飯，果然冇令我失望。海南雞飯嘅油飯食落去唔會太油，雞皮係黃色好吸引，雞肉嫩滑有雞味，雞肉分別用豉油、薑蓉同埋酸酸辣辣嘅海南雞醬油點嚟食，十分滋味。椰香咖央多士塊多士脆卜卜，裏面夾住嗰塊冰冰凍凍嘅牛油，甜甜嘅咖央醬，真係超好食。星馬泰食物一定要食串燒，今次叫咗雞肉同埋豬肉，大大串味道好，尤其是係嗰啲沙嗲醬花生味濃郁，好惹味。熱桔仔話梅水酸酸甜甜，粒話梅好正，好飲又特別，食海南雞飯套餐用半價嘅價錢就飲到喇。