影片
更多
2017-01-22
557 浏览
边鬼个话新鲜，食完想呕（反胃），完全失望。我个人本身都钟意食日本野，今次又俾新假期呃过去试，一入到去，员工心散吹水不在话下，长枱设计叫两个人明明坐对面都好似分隔好远咁。好彩风口位又涷又唔舒服忍唔住叫换位先有个卡位，如果唔系就有人系我地食紧野期间做paper work数纸仔。一睇餐牌，午市同本身个menu一毛样，价钱又相同，都唔明套咩餐。唉，一野算照落单，一个三号火山丼一个六号三色海胆丼加多份烧鱿鱼。一坐低个所谓沙律，求其俾佳宝质素既碟仔中华沙律就算。一黎，火山丼，中间个吞拿鱼蓉好似免治猪肉咁，口感其怪，我都知尼个价想条吞拿鱼有几靓，之后，我都知三文鱼存放得耐，都唔好俾我觉得你系咁落孖七同出哂鱼油。仲唔知放两包四洲紫菜系度唔知做咩，完全低成本。个白味噌汤唔洗讲木鱼水都同你悭返，打个杂菜汤加吸水豆腐粒，尼样已经系算正常既野。再黎，海胆丼，三款海胆，由小到大，紫海胆已经怪怪地少少臭既余韵，马粪海胆都叫接受到清得黎少甜，到个加拿大海胆就真系臭到想呕，一夹就散又烂，一搬开就已经溶系饭度，新鲜？算吧啦。佢只蛋啲蛋白又抽唔哂，个饭不知所谓。个丼底，啲饭醋，唉。系享受完地狱之后，理所当然地个烧鱿鱼系未
我个人本身都钟意食日本野，今次又俾新假期呃过去试，一入到去，员工心散吹水不在话下，长枱设计叫两个人明明坐对面都好似分隔好远咁。好彩风口位又涷又唔舒服忍唔住叫换位先有个卡位，如果唔系就有人系我地食紧野期间做paper work数纸仔。
一睇餐牌，午市同本身个menu一毛样，价钱又相同，都唔明套咩餐。唉，一野算照落单，一个三号火山丼一个六号三色海胆丼加多份烧鱿鱼。
一坐低个所谓沙律，求其俾佳宝质素既碟仔中华沙律就算。
一黎，火山丼，中间个吞拿鱼蓉好似免治猪肉咁，口感其怪，我都知尼个价想条吞拿鱼有几靓，之后，我都知三文鱼存放得耐，都唔好俾我觉得你系咁落孖七同出哂鱼油。仲唔知放两包四洲紫菜系度唔知做咩，完全低成本。
个白味噌汤唔洗讲木鱼水都同你悭返，打个杂菜汤加吸水豆腐粒，尼样已经系算正常既野。
再黎，海胆丼，三款海胆，由小到大，紫海胆已经怪怪地少少臭既余韵，马粪海胆都叫接受到清得黎少甜，到个加拿大海胆就真系臭到想呕，一夹就散又烂，一搬开就已经溶系饭度，新鲜？算吧啦。
佢只蛋啲蛋白又抽唔哂，个饭不知所谓。
个丼底，啲饭醋，唉。
系享受完地狱之后，理所当然地个烧鱿鱼系未到嫁啦，叫佢地跟一跟，就一去不回头都系好合理既事，黎到都系咸得过份要你加钱叫野饮既商业手法都好正常。
走个阵埋单掉哂啲钱系枱面叫你执骨咁执真系连tips都唔想俾。
食完，真系反胃想呕左两个钟，唉，真心失望。尼个价真系算吧啦
张贴