時時樂餐廳

营业中

休息中

有日lunch出街食，想话试下未食过o既铺头，但事前又冇做足准备，咁又出事喇唉。Lunch人太多难揾位，见到有间有位就求其坐落去，睇见d野食一d都唔吸引都有d想走，不过又揾过位唔知要等几耐就算数，平平地叫个凤爪排骨饭叫做安全少少啦，不过都系衰左。个类似老板o既男人罗个饭上枱，d排骨系掂晒顶呀，但系点解咁多水系面o既，原来排骨同饭系分‧开‧蒸，佢分开蒸咪即系同叫个凤爪蒸排骨小菜再加碗靓仔冇分别，盅饭好食都系因为d饭沟晒d肉o既油再加埋d煮过o既豉油姐，呢间铺竟然拆散鸳鸯，有冇搞错？唯有倒番d水落饭度食。D豉油都唔好得去边，都唔好话系豉油，应该叫豉水，好似水咁稀，沟水沟到得番d色冇晒味。可以差成咁我都唔寄望d凤爪排骨系合格，果然不负众望，一d味都冇，只爪仲好似染完色再冲番淡咁，真系罗自己只脚指黎”选”都有味过佢。餐饮要杯热好立克谂住实冇死，点知都系唔好得几多，搅起上黎都知佢连粉悭埋，咁舍得买黑白淡奶冲茶连果少少粉都悭，都系拿拿声饮完松人。