阿里山台式美人鍋 (已結業)

庙街附近多好嘢食就系人都知 但今次呢个美人锅都几有惊喜😛 晚市时间book咗唔使等位 装修几雅致 有啲中式屏风同灯笼 卡位都相当阔落 隔离枱都有人系嚟庆祝生日🤓朋友话之前试过酸菜白肉锅 几好味 但舖名叫阿里山台式美人锅㖞 无理由唔试下个桃胶美人锅啦🤣 落完单好快就到 上个汤嘅姨姨好热情咁介绍话煲汤煲咗好耐好靓 叫我哋饮多两碗😳 点知上配料个叔叔又叫我哋唔好系咁饮 饱哂就无位食𩠌😂 各有各道理啦 但个汤真系几正 所以最多我听咗姨姨讲 系咁饮又食咗好多桃胶🙊👻 其实全程啲叔叔姨姨都服务得好好好 好留意我哋嘅需要 又赞我哋靓仔靓女😏 好友善😳个汤底真系超足料除咗桃胶整个仲有成只乌鸡 淮山 枸杞 红枣 煮出嚟嘅汤感觉系超多骨胶原😂😂😂 即系𠮶种有少少黏黏张张咁嘅质地 但绝对唔系黐立立 唔怪得知叫美人锅🥰 同埋我好肯定佢真系煲咗好耐 因为夸张啲讲句 连啲红枣都差唔多入口即溶𩠌我地就拣咗羊仔肩卷肉 同两款特别啲嘅丸 - 鹅肝墨鱼丸同芝士牛肉丸😛 羊肉好有味(好膻?) 啱晒我🤤 我以为两款都系会食到一大粒鹅肝或者芝士系入边 点知原来唔系 系你会食到个味多过见到中间有一大粒馅🧐 鹅肝墨鱼丸啲后劲几劲