新泰東南亞餐廳 (太子集團中心) (已結業)

请好朋友食生日饭，其实已经第二次嚟呢度食，呢度泰菜最主要系材料够新鲜，味道又够鲜，十足似去咗泰国食咁。钟意呢间餐厅老板同员工都好细心，又友善，好有合作精神。嚟到就冲柸暖水，见我咳就经常补多d 暖水俾我。入返正题，今次试叫「鲜生虾」，虾肉肥味，弹口多肉。最好味系个调味汁好香好野味！跟著要大赞「翡翠螺」，只只肉都好大，超弹口爽口，无怪味只有鲜味！推介！正系超新鲜！朋友钟意食「冬荫公」，佢话好鲜味，虾仍然系大大只。我本人本身对冬荫公没有特别大喜好，不好都好好饮。跟著嚟咗我最钟意食嘅「南瓜海鲜焗饭」，呢个要极力推介，南瓜好香浓，南瓜汁同软绵绵嘅饭溶埋一起，简直水墨交融，交融合境嘅味道，仲食到阵阵嘅海鲜香味！讲起都想再食！最后叫咗「软壳蟹香椰咖哩焗面包」，呢个系第二次叫，上次食可能因为有十几人一齐分，少食多之味，今次两个女仔食就真系太流了，开始食都好味，但食食下已经好济好饱，有点过咸...总结，环境够静，又靓，岩哂一班朋友嚟食嚟倾计，重点食材够新鲜，味道又好味，价钱都合理！推介！