幸福鍋 (已結業)

好耐冇食过火锅，经过见到主打台式一人一锅既幸福锅就想过过口瘾。除咗火锅之外，仲有台式饭盒，台湾面同小食。我地叫咗麻辣什锦牛肉锅，士林盐酥鸡扒便当同古早花雕鸡卷。麻辣什锦牛肉锅汤底够麻够辣，有好多香料同新鲜辣椒。肥牛肉好多有水准，其他火锅料有猪肉饺，鸭血，米血糕，猪大肠，枝竹，鸣门卷，仲有花甲，血糕同大肠整得好好唔会有腥臭味。蔬菜有韭菜，金菇同娃娃菜，最后落埋红薯寛粉，吸哂汤底既精华好入味。士林盐酥鸡扒便当，鸡扒新鲜炸好，有成只手掌咁大，有椒盐调味，香脆可口。卤肉饭系五花腩切细粒，送饭一流。仲有两件台湾肠系入面。跟餐既紫菜汤都好足料，饮得出无落味精。古早花雕醉鸡卷花雕味重好入味，肉质细嫩，唔会柴口。饮品叫咗一杯古早鲜橙茶，有好水果系杯里面，清新既橙香仲有其他水果同茶味，去油解腻。