包販子 (已結業)

甘岩见到有人推介呢间餐厅嘅薯条，所以就黎一试。餐厅装修布置都好简单，座位亦唔算多，星期日中午黎都唔需要等位。今次点左一份薯条、芝士烟肉荷包蛋包同柠檬梳打 ，全部单点，冇套餐。首先讲个包，系脆猪仔包，超级松脆，而入面嘅蛋、酱同埋烟肉都好配合，特别一赞系佢既烟肉，好厚身口感好好👍🏼由于入面嘅馅太丰富，个包要分开食先食到，同埋食完都已经几饱。至于薯条，外形虽然冇乜特别，但食落比一般薯条脆同埋重薯味，而配薯条个酱亦都几特别，$38都几抵食。唯一美中不足嘅系杯饮品，成杯都偏淡，比起平时饮嘅柠檬梳打，呢间的确系冲得麻麻，唔知系咪因为佢地主攻咖啡呢！