渝味曉宇重慶老火鍋 (聚賢逸居) (已結業)

时不时大家都会听到唔同减肥既方法，但最惊就系要戒口。不过中意食野既人近年就有福啦，因为近年兴起一种叫做「生酮饮食」既减肥方法，依种饮食就系一种以高脂肪，充足蛋白质，极低碳水化合物为主既饮食。而最近见到「渝味晓宇」推出左生酮火锅，友人进行紧生酮饮食就捉左我去试下。初初以为生酮饮食会无咩选择，但正正因为佢以高脂肪加充足既蛋白质为主，选择其实都几多，今次拣既汤底有平时最爱既花胶鸡汤，而另外拣咗非生酮饮食既「重庆麻辣汤底」，因为黎到「渝味晓宇」无可能唔食麻辣😆汤底方面，自己初初食既时候就觉得唔算太浓味，但煲左阵之后感觉就开始浓，浓得黎唔会盖过咗食物本身嘅味道，而花胶鸡汤仲有好多花胶添，啱晒又想减肥又要美颜嘅朋友仔🤣配料方面，要同大家推介「海带面」、「嫩牛肉」、同埋「黑松露墨鱼滑」。「海带面」本身系属于生酮饮食嘅配料，佢望落去似粉丝，但系食落嘅口感系更加爽口，又可以吸到汤底本身既味，所以一定要试。另外，「嫩牛肉」比平时出边食到嘅滑牛更加滑口，牛味好香，配埋麻辣汤，一个字 - 「正」！而至于「黑松露墨鱼滑」，墨鱼滑本身就系我自己嘅最爱，加埋黑松露，系将本身墨鱼滑嘅味道提升一个层次，滑都够弹牙。嘢饮