珍意泰國菜館 (已結業)

平日放假梗系趁冇咩人去沙滩玩下啦，入去石澳之前就系筲箕湾食lunch先，揾食去东大街是常识吧。由于好耐冇食海南鸡饭，于是就去呢间泰国餐厅试吓。🇹🇭海南鸡饭🐔第一次见海南鸡饭有猪红，都几得意。虽然猪红只系配角，但系好爽口！搞到我想叫返碟猪红。 讲番啲鸡先，肉质鲜滑，仲有少少「啫喱」（其实系胶原蛋白），而且肉质当然唔会老啦，嫩口到不得之了！想食海南鸡嘅朋友绝对可以一试。杂荟金边粉（清汤/冬阴功汤底）🐷🐮🦐🐟另外两个朋友分别带咗一碗清汤同埋冬阴功汤嘅杂荟金边粉。杂荟嘅配料包括炸鱼皮、泰式扎肉、泰式虾卷、泰式鱼蛋同埋猪红。啲配料好好食㖞，比较出色嘅系个虾卷，而且冬阴功汤底都好味，辣辣地好开胃。泰式卤水无骨猪手饭🐽✊🏻另一个朋友就叫咗猪手饭，佢嘅卤水系酸酸甜甜咁，同港式嘅有少少唔一样。同猪手一齐食又几夹，而且份量都几多，啱晒食肉兽朋友。猪手都几嫩口，炆得够哂时候。泰式炸肉河粉（冬阴功汤底）🔥🐷泰国嘅炸肉真系好好味！当然同港式嘅烧腩仔唔可以比较啦，但系泰国嘅炸肉系比较有咬口，同埋块皮厚少少同埋脆多啲。呢个炸肉做得几好住筲箕湾嘅朋友就好啦，因为呢间泰国菜绝对系高质嘅！口痕嘅朋友可以唔使山长水远去九龙