影片
更多
2009-04-20
7 浏览
今次已是第二次来金叶子吃晚饭，佢系任叫任食；最啱我地两母子(一样咁为食)。第一次来是今年一月我生日，老死brother话有人介绍呢间几好，所以嚟食过。食完已经同个侍应姐姐话会介绍多D人去食！以前有几年时间曾经要每星期去泰国几日做事，所以比较喜欢正宗泰国菜的味道！ 但在香港试过好多泰国菜馆都系改良式香港口味泰菜(九龙城金宝已经系香港口味中最好嘅一间)，故在金叶子吃到更泰国的口味，实在意外和非常开心！讲番今次食嘅o野食有：头盆先送蟹柳木瓜船，每两人一份。上次好味D，今次但亦不过不失！乌头鱼炉 - 好味，但今次条鱼不够新鲜。炸鱼饼、虾饼 - 水准之上，新鲜、脆口夹弹牙，尤其喜欢鱼饼是真正的泰国风味，因里面有D青色荳荳在鱼饼内(在泰国时曾问过荳荳的名称，但现在忘记了)，好多其它泰菜馆都无嘅！串烧 - 牛肉好好味，但上次来时牛肉烧得比较干，而今次就烧得啱啱好嘞。 Order 左两款泰式沙律 - 一个是海鲜粉丝沙律；另一个是青芒丝鱼松沙律。食过泰菜的人都知道泰式沙律与美式沙律不一样：美式是冻食而泰式是热食，只一样相同就是同样要捞捞o下！在其它泰菜馆未曾食过一次满意的青芒丝鱼松沙律，因为其实多数都无
第一次来是今年一月我生日，老死brother话有人介绍呢间几好，所以嚟食过。食完已经同个侍应姐姐话会介绍多D人去食！
以前有几年时间曾经要每星期去泰国几日做事，所以比较喜欢正宗泰国菜的味道！ 但在香港试过好多泰国菜馆都系改良式香港口味泰菜(九龙城金宝已经系香港口味中最好嘅一间)，故在金叶子吃到更泰国的口味，实在意外和非常开心！
讲番今次食嘅o野食有：
头盆先送蟹柳木瓜船，每两人一份。上次好味D，今次但亦不过不失！
乌头鱼炉 - 好味，但今次条鱼不够新鲜。
炸鱼饼、虾饼 - 水准之上，新鲜、脆口夹弹牙，尤其喜欢鱼饼是真正的泰国风味，因里面有D青色荳荳在鱼饼内(在泰国时曾问过荳荳的名称，但现在忘记了)，好多其它泰菜馆都无嘅！
串烧 - 牛肉好好味，但上次来时牛肉烧得比较干，而今次就烧得啱啱好嘞。
Order 左两款泰式沙律 - 一个是海鲜粉丝沙律；另一个是青芒丝鱼松沙律。
食过泰菜的人都知道泰式沙律与美式沙律不一样：美式是冻食而泰式是热食，只一样相同就是同样要捞捞o下！
在其它泰菜馆未曾食过一次满意的青芒丝鱼松沙律，因为其实多数都无呢个菜，就算有都一系甜到死、一系鱼松唔够脆。能够系金叶子食到咁高水准嘅青芒丝鱼松沙律，实在太开心啦！ 最衰食到尾先记得影相！
同"咪咪"饮啤酒食青芒丝鱼松沙律；好满足！重reorder左一个，因为其他人唔食得辣所以净系我地俩搞掂。
但今次o既海鲜粉丝沙律就好一般，因为我钟意正式的泰国"街头"味道(用虾米和灼熟的尤鱼)，而他们的是"餐馆"口味(灼熟的虾同尤鱼)，已经叫佢转用虾米，但出嚟连虾毛都无，唔知系咪无虾米？但又唔通知声！最不高兴就系连花生碎都无埋！不过味道却是正宗无异。:
最最最最最最美味的：登、登、登、登！我的最爱冬阴功汤嚟啦！上次因为汤里的虾不算新鲜，又无带相机影相，所以我连食评都唔想写；但今次呢个汤简直120分！如果再多少少椰奶添就可以比足200分！
其它：炒菜、咖哩(我个仔嘅至爱)、蒜蓉包、生牛肉粉、酸辣凤爪、蜜汁烧鸡翼(我个肥仔自己"赵"哂一碟)、猪颈肉(我亚妈话好味，入口就松软)，全部都系好味加好味！
饮品亦系任叫，但酒就要pay啦！我钟意饮柠檬冰(泰文叫"笨")，但佢地只有柠檬梳打。
因为我比较喜欢食泰国菜，而呢度又每样水准都平均，咁嘅价钱------掂！
最可惜唔记得系openrice load张优惠券去，所以无得送避风塘大虾 2 只；不过我稔如果同佢讲下，个靓女侍应姐姐都会送挂(佢同我讲泰文讲到咁高兴！)，食完两轮甜品；后尾重请我地食雪糕添，嘻嘻！
张贴
