影片
更多
2017-11-14
1130 浏览
今日老妈罢工约左FD出去食, 所以孝女既我就同老豆好SWEET咁过二人世界, 老豆话想去打边炉, 所以就去左荃湾好出名边炉既大煲皇,上到去见到原来系有蒸气锅, 我地不约而同话不如转食蒸海鲜一致拍板!计埋刺身可以有八款海鲜食, 几丰富下, 另外肥牛, 手打丸果D系任食既我地就算得两个人, 都唔会比将窄枱我地, 坐得好舒服, 另外, 炸三文鱼骨好好味, 好食到想问佢扲多碟饮品-好多饮品选择, 系以自助任饮方式去扲的刺身-系等待开餐既过程做咩好呢? 仲洗问? 梗系食啦, 我地就食左刺身啦, 其实平时我系火锅店食刺身有少少惊唔新鲜, 但D度就完全冇D个问题, 因为蒸气锅系会送的头盘黎, 确保货如轮转, 而且食落真系好新鲜, 三文鱼系厚切的货色, 口感, 鱼味系大满足, 而且仲有带子, 八爪鱼,北寄贝都系好鲜甜, 为蒸海鲜前打返个靓底先龙虾- 好大只下, 而且相信大煲皇系对龙虾真系超熟识, 蒸到真系岩岩岩岩岩好, 少D时间就唔熟, 多少少已经系过熟, 系食物蒸煮既时间上系值得一赞, 龙虾食落系鲜嫩的, 但又不失龙虾既咬口感, 而且龙虾膏系香口异常, 我觉得净系龙虾膏都够我送饭食贝壳盛盆-分别系有
老豆话想去打边炉, 所以就去左荃湾好出名边炉既大煲皇,
上到去见到原来系有蒸气锅, 我地不约而同话不如转食蒸海鲜
一致拍板!
计埋刺身可以有八款海鲜食, 几丰富下, 另外肥牛, 手打丸果D系任食既
我地就算得两个人, 都唔会比将窄枱我地, 坐得好舒服, 另外, 炸三文鱼骨好好味, 好食到想问佢扲多碟
饮品-好多饮品选择, 系以自助任饮方式去扲的
刺身-系等待开餐既过程做咩好呢? 仲洗问? 梗系食啦, 我地就食左刺身啦, 其实平时我系火锅店食刺身有少少惊唔新鲜, 但D度就完全冇D个问题, 因为蒸气锅系会送的头盘黎, 确保货如轮转, 而且食落真系好新鲜, 三文鱼系厚切的货色, 口感, 鱼味系大满足, 而且仲有带子, 八爪鱼,北寄贝都系好鲜甜, 为蒸海鲜前打返个靓底先
龙虾- 好大只下, 而且相信大煲皇系对龙虾真系超熟识, 蒸到真系岩岩岩岩岩好, 少D时间就唔熟, 多少少已经系过熟, 系食物蒸煮既时间上系值得一赞, 龙虾食落系鲜嫩的, 但又不失龙虾既咬口感, 而且龙虾膏系香口异常, 我觉得净系龙虾膏都够我送饭食
贝壳盛盆-分别系有只北寄贝仔同蚬, 北寄贝仔几鲜甜下；而D蚬系只只开晒口的, 新鲜程度可见一班, 而且系冇沙的, 吐沙做得好好
蛏子皇- 系用蒜蓉粉丝既手法去蒸, 个蒜蓉系炒得好香, 但唔会整到死咸咁, 仲好食到大大只既蛏子皇既鲜甜, 食得出系好弹牙, 够爽口, 但要改善既地方系粉丝较为碎, 我个人钟意冇咁碎的象拔蚌仔-都系用蒜蓉粉丝既手法处理, 象拔蚌既鲜甜系同蛏子皇系唔同的, 各有各优胜既地方
龙趸件- 每人系有两件, 大大件, 鱼味浓厚, 鱼皮骨胶原重, 食完都觉得皮肤靓左, 钟意鱼皮有D弹牙但有少少痴口既感觉
鲍鱼- 系用陈皮去蒸的, 鲍鱼已经去晒内脏, 食果阵唔洗再谂点整走佢, 食得舒服, 而且鲍鱼味浓, 切开少少令D陈皮味落左鲍鱼到, 更带出鲍鱼的鲜味, 而且鲍鱼唔靭, 上佳之作也
肥牛-肉同膏系7:3既比例, D个比例最食得出牛味同膏既香味混合而成的顶级滋味
虫草鸡-蒸完出黎既鸡系好鲜嫩的, 而且虫草味中和左鸡既油腻感, 同埋我好欣赏D个既乌东底, 混合左鸡油同虫草味, 好好食, 如果唔系好饱我应该会再叫多份
粥底-落左唔少排骨, 榣柱, 再加上头先所有食物既精华汁, 形成D个咁好食既粥, 个粥系绵既, 榣柱同头先食物既汁令到个粥超甜, 好食到我其实已经好饱, 但我都食左三大碗
甜品-D间蒸气锅食完系会有雪条比你任食, 而且有我最爱的榴梿雪条, 大满足
最后埋单HK$368位, 包埋茶芥, 加一, 酱油, 明码实价, 食D个质素既食物黎讲都算性价比高, 蒸完海鲜都觉自己会蒸蒸日上, 我地食完都唔敢同老妈子讲我地食左D咩, 废事佢羡慕啦, 到下次带埋佢黎食先再招认我地食过一次
张贴
