骨子裡 (已搬遷) 新店位置

近排勁多飲食平台介紹，於是就去湊熱鬧啦！但個地址好奇怪，在地鐵般咸道出口出，好快就搵到37號，正常對面就係38號啦！但搵極都搵唔38號，唔係咁邪入咗「平行時空」吖🙈，但點知要反方向行，由地鐵站行都要10分鐘，而且烈日當空，沿途又無簷蓬，都幾攞命😝身水身汗，終於嚟到，但原來舖頭好細，只得一張4人枱，而我到達時已經有3位客人用膳中！而店員安排我坐長櫈，並給我一張茶几，安頓好後，就開始點餐。由於尋找店舖過程十分熱，而且好肚餓，本身想食出名的甜品，最後都要食番個日式冷烏冬，加杯冰凍Lemon Green Tea。烏冬份量都夠，有3條蟹柳，烏冬涼浸浸，十分消暑。而Lemon Green Tea，都幾特別lemon十分清香。但茶几與櫈距離很矮，進食時比較辛苦。而在進食時，都有2批客人到達，但4人枱的客人，雖然已經用餐完畢，飮品也見杯底，仍未有離開意欲。最終要職員提示才知道，地方有限，不能久留。所以我食完都即刻讓出坐位給下位客人。