蘇杭冰室

营业中

休息中

今日本身约咗朋友食饭，但系因为OT所以搞到成2130先到旺角，讲真估唔到而家接近亦晚10:00旺角都仲有咁多食肆开，睇餐牌见到都几吸引，同埋入面都几多人食，所以就入咗去苏杭冰室。Staff都好有礼貌，同埋亲切，落单都好快手。炭烧T骨扒配薯角 $98其实完全食唔到，有炭烧嘅味，我系一个女仔叫咗呢一个牛扒都觉得唔够食，因为份量真系好细，肥肉多，同埋好薄，可以食嘅位置唔算多，肉质好一般，冇乜牛味。跟餐嘅餐汤，我相信如果饮完一碗一定要去洗肾，我饮咗一啖之后就冇再饮。另外一个麻辣肉丁煲仔面 $62 的而且确好足料好多肉，但系一样都系洗肾秘方。呢间餐厅应该都唔会有下一次。但系佢哋服务好，反而冇加一。