影片
更多
2016-11-08
1278 浏览
讲明先，唔系试食文，绿林系新开，好野系要推，所以先打中文！介绍埋朋友去食，得闲写埋都系好正常，开张仲要系有买一送一优惠，成日去食都系好正常。因为太多人等位，废时影咁多相，唔记得晒d价钱！下次再去食先补返！由细系深水埗食到大，最钟意都系佢个腐竹白果鸡蛋糖水，劲足料，腐竹系一片片唔系煮到烂晒果d，鸡蛋唔会煮到硬晒实的的，绵绵的有妈妈煮的感觉！蕃薯自家制汤丸 － 同样地足料，大大旧既蕃薯吸晒d姜汁，淋得黎唔会一咬就散。另外绿林汤丸都只系会自家制的，所以味道就只有芝麻既一只味，皮既厚度唔系0.05mm 果种超薄，而系有d咬头既QQ皮，而芝麻系新鲜每日用自家材料制造，＃几好食唔太甜！栗子露 － 时令冬天的恩物，浓浓的而且一点都不甜，nuts 其实对身体很健康，充满著有益的成份，热呼呼的栗子露饱肚之外，还即时全身血气运行！食到出汗！出左d汗要食返d冻野，豆腐Oreo布丁系绿林其中一样撚手甜品，白色撞白色，好睇之外都好食，因为本身豆腐布丁本身味道清新，口感幼滑，软绵绵的感觉在口内融化，分外有趣！一开始讲过，11月底前平日都有堂食买一送一，外卖8折，所以我地又食又拎，拎埋比爸爸妈妈些牙，食过番寻味，好
讲明先，唔系试食文，绿林系新开，好野系要推，所以先打中文！介绍埋朋友去食，得闲写埋都系好正常，开张仲要系有买一送一优惠，成日去食都系好正常。因为太多人等位，废时影咁多相，唔记得晒d价钱！下次再去食先补返！
由细系深水埗食到大，最钟意都系佢个腐竹白果鸡蛋糖水，劲足料，腐竹系一片片唔系煮到烂晒果d，鸡蛋唔会煮到硬晒实的的，绵绵的有妈妈煮的感觉！
蕃薯自家制汤丸 － 同样地足料，大大旧既蕃薯吸晒d姜汁，淋得黎唔会一咬就散。另外绿林汤丸都只系会自家制的，所以味道就只有芝麻既一只味，皮既厚度唔系0.05mm 果种超薄，而系有d咬头既QQ皮，而芝麻系新鲜每日用自家材料制造，＃几好食唔太甜！
栗子露 － 时令冬天的恩物，浓浓的而且一点都不甜，nuts 其实对身体很健康，充满著有益的成份，热呼呼的栗子露饱肚之外，还即时全身血气运行！食到出汗！
出左d汗要食返d冻野，豆腐Oreo布丁系绿林其中一样撚手甜品，白色撞白色，好睇之外都好食，因为本身豆腐布丁本身味道清新，口感幼滑，软绵绵的感觉在口内融化，分外有趣！
一开始讲过，11月底前平日都有堂食买一送一，外卖8折，所以我地又食又拎，拎埋比爸爸妈妈些牙，食过番寻味，好快会再黎！绿林开左系cwb真系方便好多，mtr A 出口times square行去鹅颈桥唔洗3mins就到！我要系呢个冬天encore N 次佢个栗子露！
张贴
