人和月雞煲火鍋店 (已結業)

今日俾朋友拉去食火锅， 话已经好耐冇出街打边炉㖞， 好吧，就陪她去吧。今次佢揾到间位于尖沙咀的，仲系食完鸡煲再打边炉，一次过满足两个愿望。餐厅都几新， 地方好干净，虽然唔算大但座位几宽敞，我地被安排坐卡位，坐得舒适。我地选了海鲜大满贯， 头盘就要麻辣鸡煲。麻辣鸡煲少辣，惹味得嚟唔会辣到条脷冇感觉， 食得好舒服。值得一赞系佢食完鸡煲之后会换上汤底俾你打边炉， 唔似出面咁就咁放汤落鸡煲度打咁油。我地拣左怀旧沙爹汤底，因为朋友重口味，嘻！火锅会先上两份食材， 分别是海鲜同牛肉。海鲜有扇贝、饱鱼、海虾同几款蚬贝。牛肉就有黑毛和牛、牛小排、封门柳、牛下肩、牛胸爽、肥牛等等， 其中有啲仲可以添加。肉类嘅质素唔错，牛肉中我最爱黑和牛同雪花肥牛， 因为入口特别香滑。另外可以用QR code再点其他野食， 我地除左追加牛肉之外，仲加了醉鸡件同黑豚五花片， 反而其他太饱肚嘅丸同饺子就少点。蔬菜我朋友一向唔食， 所以我只夹了我自己的份。餐厅仲有一个自助区， 有多款火锅配料、甜品， 主食及酱料，应有则有。确实系考验肠胃嘅地方。