客家人

营业中

休息中

放工经过见到一间专食客家菜嘅餐厅，突然忽发奇想入咗去食。餐厅宽敞，枱与枱之间都有好多空间，唔会坐到好迫夹。餐牌有好多客家菜选择，好多都好正宗，必试嘅当然系药膳黄酒煮鸡汤！老板娘好主动咁向我哋推介呢个汤落足料，甚至连黄酒都系靓野，仲攞左啲酒出嚟俾我哋闻下再加落去。鸡汤叫咗半只鸡，另外有大量红枣、云耳、姜粒等，真系好补身好足料！我哋两个人每人饮咗三碗都仲可以打包！围村狮头鹅，感觉就好似啫啫煲咁够晒镬气！味道惹味，肉质唔韧，有腐竹索汁，有啲香芹可以增加香气，仲叫一碗白饭送狮头鹅。西兰花炒带子，带子唔会好细粒，大粒鲜甜，唔会过鞋！