影片
更多
2022-05-14
473 浏览
呢日又想寻找”家乡”嘅感觉同味道试一试日本炸牛扒专门店—《京都胜牛》食店门外已经洋溢住一股东瀛风🎌，采用日本古建筑门口设计，挂著一个大大嘅提灯，又摆放咗可爱日本吉祥物公仔摆设；有牛牛🐮、日本招财猫猫💰🐱同达摩店内装修继续秉承东瀛风味🎌，天花设有日本古建筑嘅横梁及悬挂著多个日本特色小提灯，墙上有著日本布艺花纹嘅设计，茶杯碗碟都略带日本陶艺文化欣赏完环境，就order 食物，menu 标榜「采用严选高质的牛肉部位，瞬间以高温炸至金黄酥脆，让肉排于上桌时能保持3分熟度」. 除咗炸牛（黑毛和牛、翼板牛、菲力牛、酱味薄牛……），仲有豚肉、鳗鱼、大海老、广岛蚝、三文鱼柳……Order咗2份套餐；一份牛，一份豚肉+鳗鱼，套餐均附可续加嘅麦饭、椰菜沙律及味噌汤🔸Classic~京都胜牛双味套餐~呢个set 有2款牛，翼板牛(chuck flap)及菲力牛 (fillet/tenderloin)目测 2 款牛确系如menu 所讲「3分熟度」，大概系medium rare 再rare 少少虽然影相用咗啲时间，但外层仍然保持温度而且非常酥脆，两款牛嘅肉质都tender，tenderloin 当然更为软嫩，c
试一试日本炸牛扒专门店—《京都胜牛》
食店门外已经洋溢住一股东瀛风🎌，采用日本古建筑门口设计，挂著一个大大嘅提灯，又摆放咗可爱日本吉祥物公仔摆设；有牛牛🐮、日本招财猫猫💰🐱同达摩
店内装修继续秉承东瀛风味🎌，天花设有日本古建筑嘅横梁及悬挂著多个日本特色小提灯，墙上有著日本布艺花纹嘅设计，茶杯碗碟都略带日本陶艺文化
欣赏完环境，就order 食物，menu 标榜「采用严选高质的牛肉部位，瞬间以高温炸至金黄酥脆，让肉排于上桌时能保持3分熟度」. 除咗炸牛（黑毛和牛、翼板牛、菲力牛、酱味薄牛……），仲有豚肉、鳗鱼、大海老、广岛蚝、三文鱼柳……
Order咗2份套餐；一份牛，一份豚肉+鳗鱼，套餐均附可续加嘅麦饭、椰菜沙律及味噌汤
🔸Classic~京都胜牛双味套餐~
呢个set 有2款牛，翼板牛(chuck flap)及菲力牛 (fillet/tenderloin)
目测 2 款牛确系如menu 所讲「3分熟度」，大概系medium rare 再rare 少少
虽然影相用咗啲时间，但外层仍然保持温度而且非常酥脆，两款牛嘅肉质都tender，tenderloin 当然更为软嫩，chuck flap 则多一份chewiness，两款嘅肉味都唔算突出～
落单嘅时候，店员都有话如果想食熟少少嘅，可以提供铁板俾我哋再烧一烧
朋友平时食开medium-rare，呢个doneness 佢完全冇问题，我就prefer熟番少少喇～
店员随即端上小煎pan ，仲预备咗个1分钟漏斗嚟计时添⏳，呢个安排几贴心～ 值得俾个赞 👍🏻
呢个牛扒套餐配附3款佐料：招牌牛扒酱、wasabi 盐 同 鲣鱼和风露. 牛扒酱同鲣鱼和风露相对味浓，盖过咗牛味，个人比较喜欢wasabi 盐，轻轻为牛扒加少少味又唔会抢咗本身嘅牛味
朋友就加鲣鱼和风露落生菜丝沙律度，佢话咁样食菜冇咁寡、惹味啲㖞🤣🤣🤣
🔸Katsugyu Plate~鲜嫩脆炸猪柳伴鳗鱼套餐~
猪柳厚切，都juicy㗎，不过，头尾2件都系得面衣😯🤭🤭🤣🤣🤣 谂起《角落生物》嘅炸猪扒 🤭🤭
猪柳配嘅佐料系芝麻猪扒酱
自己动手磨芝麻，再加入猪扒酱（一路磨一路闻到芝麻香味😌）
呢个芝麻猪扒酱酸中带甜，既可提升肉香又可消滞
鳗鱼嘅面衣做得最贴服，鳗鱼大件肉厚，满足到我呢个鳗鱼控😍😍，系呢一餐嘅highlights 🌟
呢餐出乎预期地需要食客嘅参予度：可自己控制牛嘅生熟程度、用漏斗计算吓时间、自己动手磨吓芝麻控制幼细程度等等～ 令到呢次dining experience 加咗啲趣味～ 🥳
食完仲可以去楼上行吓Donki，再延续一下返乡下嘅感觉～ 😚
张贴
