風味館海鮮私房菜 (已結業)

放工約咗honey同朋友黎呢度食晚飯，當然一早已經先上網望下有乜美食。七點半收工黎到，九龍城餐廳地段，餐廳裝修算舒適好坐唔擠迫。無時間限制，邊食邊傾，食得無壓力。呢度d小菜果然一如餐廳名，有風味。蝦多士隻蝦算偏大，橙色紋理清晰，身入口爽口，啖啖肉，多士唔油，炸得脆口，蝦食得出新鮮。肉餅味道也不錯。牛柳粒，牛柳份量算多，好惹味，蒜片都好香。椒鹽豆腐，外脆內軟，好滑，好夠椒鹽味，美味。食小菜，呢度係好選擇。