風味館海鮮私房菜 (已結業)

放工约咗honey同朋友黎呢度食晚饭，当然一早已经先上网望下有乜美食。七点半收工黎到，九龙城餐厅地段，餐厅装修算舒适好坐唔挤迫。无时间限制，边食边倾，食得无压力。呢度d小菜果然一如餐厅名，有风味。虾多士只虾算偏大，橙色纹理清晰，身入口爽口，啖啖肉，多士唔油，炸得脆口，虾食得出新鲜。肉饼味道也不错。牛柳粒，牛柳份量算多，好惹味，蒜片都好香。椒盐豆腐，外脆内软，好滑，好够椒盐味，美味。食小菜，呢度系好选择。