Passion (已結業)

之前去葵芳行街，去到下午茶时间见有少少肚饿就入咗呢间餐厅食下啲西式野，只系点咗少少小食，但系就一试爱上喇。呢个烟三文鱼pizza。都系𠮶句，薄pizza有薄pizza嘅香口，可能系冇厚批咁有满足感、咁饱，但系我个人系十分喜欢薄批脆身啲嘅😏✨薄饼上面有大大块嘅烟三文鱼，再加啲又熟、又林、又入哂味嘅洋葱，足料又够香，唔会整到好似蒸鱼咁冇哂味，依然系有omega 3嘅味（omega 3系咩味？我唔知，总之就系三文鱼味😂）下面嚟个薄批托一托，真系18岁，卜卜脆。好正啊❤️❤️❤️另外点咗个蛋批整好咗之后热辣辣，好香蛋味，食落好软熟，一啲都唔硬，再配埋佢其他嘅配料系入面真系多重口感得嚟又有加添咗啲味道落去，有少少饱肚，正！