開花結果

营业中

休息中

今日去开观塘宏利MFC，望到正对面有间舖好似好光猛咁，咁就行过去食Lunch，见到门口都有人排队嘅，不过就成一点钟，都好快可以入座，等左5分钟左右就入得，等紧果阵时见到炸髀餐已经都唔谂喇，仲要好得意咁佢可以配生果，果然系开花结果😂所以一座低就即刻落单，我叫左个炸髀配生果，点知我睇漏，原来可以配两样，咁就另外配左炸烟肉西芹薯仔沙律，加杯冻央，我同事都叫炸髀配炸烟肉西芹薯仔沙律，另配菠萝粟米沙律。即叫即炸，上左杯野饮先，杯冻央都好大杯，几香嘅唔差唔淡，等左大概10分钟左右，有得食，黎到净系食D薯仔沙律都有D饱🤣不过只炸髀都好热未食得落口同几大只冇位切，所以食晒薯仔沙律先，好切D，炸髀D皮好脆，腌得几好唔会太咸之余仲有鸡味又冇雪味，不过有少少干，毕竟午饭时间都有D忙，可能争少少吧，食晒只炸髀就食埋D生果，西瓜密瓜哈密瓜木瓜菠萝火龙果，要汁有汁，要甜有甜，要纤维有纤维，只只都甜好好味，食完炸野食生果真系好舒服，可能有菠萝酸酸地可以消消滞。食左个好健康嘅炸髀午餐，食完好满足唔会太滞，不过今个星期就食左炸野，又要下星期先再食热气野喇。