影片
更多
2016-04-10
543 浏览
平时食惯连锁放题店，贪佢地水准够平均，但系食得多发觉菜式都系千篇一律，真系厌厌地！前排听佐敦嘅朋友话附近有间放题，有得食埋泰国野，仲有得打埋边炉！！！一次过满足哂三个愿望。价钱又同纯日式放题差唔多，谂唔到唔试嘅理由！先唔讲食物住，好想分享左个环境先！呢间放题嘅坐位舒适度，真系比其他晚晚爆满嘅放题店高非常之多！！系我去过最舒服最好坐的(呢样对我黎讲好重要)！去食过放题的朋友都知，通常放题店嘅二人枱都有咁细得咁细，点多几样野食就塞爆张枱，有时甚至无位放到要叠高d碟。。。但喺呢到，即使你两个人，都会安排坐卡位，而个位系阔落到等同平时嘅六人位，真系劲舒服！可以舒舒服服咁坐住倾计，唔洗因为惊无位放食物而要急住咁食！当然，环境几舒服都好，食物系最重要的。<<刺身>>水准同其他放题店差唔多。咁多样刺身中，<<北海道鲜带子>>最值得赞平时好多放题都用劲细粒嘅带子黎敷衍人，一系就切到劲细劲薄，但呢到食嘅带子嘅size系正常嘅带子再对半，大旧过其他放题好多！食落好有满足感！而且几鲜甜，值得一赞！<<三文鱼>>新
前排听佐敦嘅朋友话附近有间放题，有得食埋泰国野，仲有得打埋边炉！！！一次过满足哂三个愿望。
价钱又同纯日式放题差唔多，谂唔到唔试嘅理由！
先唔讲食物住，好想分享左个环境先！
呢间放题嘅坐位舒适度，真系比其他晚晚爆满嘅放题店高非常之多！！
系我去过最舒服最好坐的(呢样对我黎讲好重要)！
去食过放题的朋友都知，通常放题店嘅二人枱都有咁细得咁细，
点多几样野食就塞爆张枱，有时甚至无位放到要叠高d碟。。。
但喺呢到，即使你两个人，都会安排坐卡位，而个位系阔落到等同平时嘅六人位，真系劲舒服！
可以舒舒服服咁坐住倾计，唔洗因为惊无位放食物而要急住咁食！
当然，环境几舒服都好，食物系最重要的。
刺身
39 浏览
0 赞好
0 留言
咁多样刺身中，<<北海道鲜带子>>最值得赞
平时好多放题都用劲细粒嘅带子黎敷衍人，一系就切到劲细劲薄，
但呢到食嘅带子嘅size系正常嘅带子再对半，大旧过其他放题好多！食落好有满足感！
而且几鲜甜，值得一赞！
<<三文鱼>>新鲜厚切，有时仲会有三文鱼腩，咬落啖啖肉！
<<珍宝赤虾>>大只得黎，食落鲜甜弹牙，我见隔离枱情侣狂encore，绝对系回本之选！
<<烧猪颈肉>>第一眼望佢好似劲干咁，心谂会唔会好伏，但食落竟然系爽口弹牙，有惊喜！
<<冬阴公>>酸度适中，偏辣，姜味好重，朋友话好饮，但我就唔多钟意咁浓的姜味。
<<绿咖哩猪肉>>咖哩味好浓几惹味，猪肉用上猪颈肉，
<<寿司>>普普通通。无咩惊喜，对于放题寿司无咩期望，主攻刺身！！！
<<烧带子>>几大只juicy，唔会干！带子肉鲜甜。最重要系只带子系连住个壳的，唔系reuse个壳再放旧肉落去！
<<生菜包>>同平时泰国餐厅差唔多味！肉碎调味不错。d菜好新鲜，洗得好干净！
<<炒蚬>>呢到d蚬好大只，唔系bb蚬，真系平时出去食o既size，味道系甜甜地辣辣地咁，可以一试。
<<烧菠萝>>，超钟意食！我食左8件。。。劲juicy劲甜，一定要叫呢个！
<<天妇罗>>炸得香脆，炸粉唔会过厚。烤日本蕃薯好好味！
呢到仲有埋长脚蟹，自助任拎！见到D人成座山咁夹，好彩佢Refill得快，我都食左唔少。长脚蟹海水味好浓，蟹肉肉质弹牙。
就快食完果时，突然醒起佢仲有包埋火锅任食，但已经饱到无可能食到！满足！
张贴
