富山和食料理屋 (已結業)

唔經唔覺，十年己過去，富山簡直見證住我長大！至今仍屹立不倒，勁！今日朋友生日，我地照舊老地方見！食左十幾年，菜式熟到背得出。不過好多我地必叫o既食物，己經無哂，好傷心！諗左好耐先諗到食咩...<<火灸三文魚>>有幾款口味，我地點左沙律醬，芝士，鹽。味道三款都好好味！燒得好香，黎到一定要試，即燒熱辣辣！<<燒鯖魚>>都係即燒，所以好熱，好香口！<<燒牛舌>>一半燒得好好，好爽口，油脂香氣十足另外果半燒得麻麻，睇相都見到，鞋鞋地<<鰻魚炒飯>>鰻魚略少，以前好多。不過味道咁多年都保持到！<<炸雞軟骨>>落單聽錯，落左第二樣野，再改過，都仲係錯。。。最後都總算有食到，味道正常，無咩特別<<軟殼蟹反卷>>每次必點，軟殼蟹香脆，醬汁多年不變，令人想起很多回憶！<<其他壽司>>普普通通，好細件，唔太抵