影片
更多
2010-10-12
9 浏览
openrice突然又有新功能，嗯... 我呢d唔钟意改变既人睇黎都要慢慢习惯下。是晚约左羊小姐食饭继续讨论我地既台南之旅，一如以往，都系讲八挂无聊事居多。系尖沙咀想揾个好D可以慢慢坐既地方，就同佢黎左呢度啦。睇黎呢度都真系唔系好多人知，成晚所见都系小猫数只，所以我地都可以慢慢坐慢慢倾计好舒服。呢度环境好居家，劲多摆设，店员安排左我地坐张 4 人台，见佢有D梳化位好似几舒服咁。店员都好有礼会解释好多野，而且成日添水好有笑容同礼貌呀。食物饮品甜品选择都几多，SET Dinner 系头盘 + 汤 + main course + 饮品/甜品，朋友叫左set dinner，而我就选择左散叫，因为set无我想食既main course。呢度既食物都几好，先讲朋友既头盘系parma ham with pear，无食过parma ham，不过试左件梨超香甜，唔知会唔会又抢左d parma ham味道呢？另外佢有个酱汁甜甜地，都系似一d berry既味道，都几好味的。另外朋友餐汤选择左黑松露忌廉汤，又系用个透明樽盛载住，我试左一啖味道几浓，几香truffle味，饮落口感唔会太creamy，个人觉得几
openrice突然又有新功能，嗯... 我呢d唔钟意改变既人睇黎都要慢慢习惯下。
是晚约左羊小姐食饭继续讨论我地既台南之旅，一如以往，都系讲八挂无聊事居多。系尖沙咀想揾个好D可以慢慢坐既地方，就同佢黎左呢度啦。睇黎呢度都真系唔系好多人知，成晚所见都系小猫数只，所以我地都可以慢慢坐慢慢倾计好舒服。
呢度环境好居家，劲多摆设，店员安排左我地坐张 4 人台，见佢有D梳化位好似几舒服咁。店员都好有礼会解释好多野，而且成日添水好有笑容同礼貌呀。食物饮品甜品选择都几多，SET Dinner 系头盘 + 汤 + main course + 饮品/甜品，朋友叫左set dinner，而我就选择左散叫，因为set无我想食既main course。
呢度既食物都几好，先讲朋友既头盘系parma ham with pear，无食过parma ham，不过试左件梨超香甜，唔知会唔会又抢左d parma ham味道呢？另外佢有个酱汁甜甜地，都系似一d berry既味道，都几好味的。另外朋友餐汤选择左黑松露忌廉汤，又系用个透明樽盛载住，我试左一啖味道几浓，几香truffle味，饮落口感唔会太creamy，个人觉得几啱心水，唔会太腻。
之后就系我自己散叫既蟹肉沙律，一样系用透明器皿盛载著，呢个蟹肉沙律一d都无偷工减料，超多蟹肉而且几鲜味，钟意佢酸酸地有少少似千岛酱既酱汁加埋rocket salad，味道清新又开胃，唔错㖞~
我既主菜就拣左香蒜辣椒白酒蚬肉意粉，不过我就要求佢走辣椒。黎到卖相唔错，有好多红椒黄椒粒但一d都唔会辣，而且味道几鲜㖞~ 不过食落就无咩白酒味，而且我觉得好咸呀~~~ 系咪落得太多蒜盐呀？？？蚬肉唔算大只但都ok鲜味，起码唔会俾d咸味抢哂，意粉煮得ok，口感系偏硬不过食落唔系太弹牙~ 总括唔难食但真系太咸啦!!! ><
朋友既主菜要左煎三文鱼扒，份量都几大件架。我切左小小试过，觉得食落几肥美，味道都唔差，加埋D忌廉汁几好食㖞~
朋友食完仲心思思食甜品，是日既我已经够哂数，所以只系叫左一个甜品佢食咋。甜品柜都几多选择几吸引，最后朋友拣左tiramisu，又系用个透明既器皿装住，而且仲有木匙羹添，最钟意呢D自然感觉既野。Tiramisu我又痴左一啖食，食落觉得咖啡味超浓，不过反而无咩酒味呀~ 湿润度都唔差不过始终无咩酒味就系争dd。
食完我地仲慢慢坐慢慢倾坐左劲耐，走既时候仲可以去隔离D舖头行下添。呢度环境唔错，食物都ok，佢系戏院出面应该都系俾d人睇戏前后黎食的，有兴趣的话，可以一试。虽然到最后我都唔系好明呢个店名既意思..... =)
张贴
