Hami Harmony (已結業)

是日一行二人经Openrice 订位，完全唔洗等直接入得，去到都有多吉位，但同样地都系被人book左，有人walk-in 店员都会话有人book左而冇位俾人入，所以想食记住要book位。因为唔系第一次食，睇左阵餐牌决定叫之前冇食过既野黎叫，叫左意式海鲜配龙虾汁意大利粉同烟三文鱼飞鱼子意大利饭黎share，餐饮拣左黑加仑子薄荷热情果梳打。先讲杯野饮黑加仑子薄荷热情果梳打，热情果味就冇咩只有淡淡，但黑加仑子同薄荷味都几重，几好饮。果意式海鲜配龙虾汁意大利粉，海鲜都唔系重点，普通啦～ 最紧要果龙虾汁好浓味，意粉软硬度适中，够哂挂汁。而果烟三文鱼飞鱼子意大利饭，好食，果饭好creamy，而且芝士够会有啲拉丝，有埋啲飞鱼子令成件事好有口感，层次更丰富，好食。整体黎讲，食左几次都唔厌，食极都仲会想黎食，服务又唔错，期待下次再黎试埋其他。