達人包車 (已結業)

之前食开尖沙咀达人包车，串烧都食过几次，见到原来cwb都有分店，所以同埋朋友一齐过黎食，点知黎到先发现呢间系无串烧，唯有食其他野，好彩串烧以外都有好味野，总算无令朋友失望。先点一个酱烧牛肉，上枱时先知原来系要自己炒xd牛肉本身有腌过，入口甜甜地，口感偏碎偏软身，就算热住一段时间都唔觉得难咬，对于牙钝的我黎讲实在大赞。牛肉边煮边出肉汁，底层韩国粉丝会吸收哂精华，一定要食埋。因为怕唔够饱，所以点多个部队锅，卖相都几靓，一眼睇哂有咩食。拉面、豆腐、午餐肉、年糕、肠仔、饺子、泡菜、芝士……材料非常丰富，煮煮下吸左好多汤汁，特别系鱼糕吸汁之后无得输。值得一提系我地觉得个锅唔够辣，同店员反映后佢竟然俾左一大碗辣椒粉我地自己加，非常非常热心帮助客人，下次一定会再黎食过！