Takka Fusion Japanese Cuisine (已結業)

如题 应该系转咗餐牌价钱一排，但每个餐大概加咗价$8左右，以前价位可以系openrice餐牌睇返。入到去觉得好似被骗，不过呢个价系西贡都算合理。嘢食望落唔大份但食落会好饱，味道正常，呢个价就呢分货。我叫咗鲭鱼定食($64)，鲭鱼好味。(未加价好似系$56)但系服务一般，唔知个店员系咪新黎，我叫热茉莉花茶，佢俾咗冻绿茶我...都唔紧要，最后嘢食食晒我哋杯嘢饮都未到...中途已经催咗两次。但系热茉莉花茶有惊喜，系用个壶上，份量都多，可以饮到5-6杯。整体上都还好，但自己觉得加价升幅好多，加上入到去坐低先见到加咗咁多，内心有啲唔平衡。即系如果佢出俾个牌转埋价钱都冇咁唔顺气。上次去食系21年7月食嘅，今次冇影相，但食嘅嘢一样。佢左下角嘅寿司次次唔同，有咩鱼生就整咩。