UG Elements 有機農場.餐廳.市場

营业中

休息中

由于而家d鸡实在太多激素，搅到明明好钟意食都唔敢食，但有时实在真系好想食，唯有睇下有冇有机餐厅可以过下鸡瘾，于是就揾到黎新蒲岗，呢度铺头唔算大，但干干净净感觉几舒服，睇见d餐牌见到竟然有机餐厅会有鸡煲，水煮鱼，口水鸡等，仲以为有机通常配西式煮去添，于是乎order咗个奇味鸡煲一于大饱鸡瘾，以为有机店d鸡煲一定冇出面𠮶d咁惹味，点知味道又好好㖞，好够味有机走地鸡肉质比平时食个dd肉比较实感觉有弹性d，因为睇紧中医所以要戒辣，否则麻辣鸡煲应该仲美味吧，食完鸡煲仲可以打埋边炉，两个人叫咗个有机菜篮，杂锦丸同埋肥牛，黎到嘅份量都吓一跳，菜篮内有唔同种类嘅菜，蕃茄，生菜，油陌菜，唐蒿，金针菜，大菇等等等等⋯感觉上d菜比平时个d甜d,d菇又特别有菇味（好似好废话，但呢个社会菇有菇味似乎都唔系必然咁）d 丸都好新鲜弹牙，最最最有惊喜系肥牛，好靓好新鲜份量又多，仲只系一百六十几一碟，真系好抵由于两个人食咁多实在食唔晒，老板仲好好人咁帮我地打包走，临走仲送咗两棵有机菜俾我地，真系好感动，呢度除咗老板好好人，连另一个侍应生都劲友善勤快，以后一定会成日黎帮衬架