影片
更多
2021-10-12
52 浏览
南丰纱厂有好多小店，今次拣左间好岩家庭乐或朋友聚餐嘅小店「The Big Things Party Cafe」，因为呢度食物较健康，唔会过份调味，简单好味，小店旁边仲有个收费嘅室内游乐场地，假日真系好热闹。餐厅都够大，座位宽敞坐得服务，就快万圣节，餐厅都有好多应节的装饰，好有气氛，月尾要带一家大细来食野玩下轻松下。我地点左两款小食，两款主食，饮品同甜品，甜品仲好靓好好味。南蛮炸鸡 （五件）$68热辣辣炸起上碟，炸得香口，皮脆鸡肉多汁嫩滑，唔会好腻，配埋个三文鱼籽南蛮酱，味道微酸开胃消腻，鱼籽提鲜带咸，令炸鸡味道提升。吉列玉子三文治 $58好有日式感觉，系超厚身玉子经吉列炸过，玉子口感满足，松软微弹，加酸甜滋味猪排蛋黄酱，好似食紧厚猪三文治，但实质系玉子黎，感觉更有营健康，面包烘得平均又脆身。店长推介味噌三文鱼六野菜便当 $118三文子用味噌腌制同烹煮，咸度适中，仲有三文鱼籽咸鲜味。六款野菜系特别用日式煮法带出野菜鲜味，汁煮日本甜南瓜，多汁甜味突出质感软绵；红萝卜丝有丰富茄红素，味道甘甜；自家种植车厘茄，爆汁清甜；抗炎抗养化西兰花，翠绿保留爽脆口感；酱油香菇，入味咸鲜多汁；抗养化紫椰菜
南丰纱厂有好多小店，今次拣左间好岩家庭乐或朋友聚餐嘅小店「The Big Things Party Cafe」，因为呢度食物较健康，唔会过份调味，简单好味，小店旁边仲有个收费嘅室内游乐场地，假日真系好热闹。
餐厅都够大，座位宽敞坐得服务，就快万圣节，餐厅都有好多应节的装饰，好有气氛，月尾要带一家大细来食野玩下轻松下。
我地点左两款小食，两款主食，饮品同甜品，甜品仲好靓好好味。
南蛮炸鸡 （五件）$68
热辣辣炸起上碟，炸得香口，皮脆鸡肉多汁嫩滑，唔会好腻，配埋个三文鱼籽南蛮酱，味道微酸开胃消腻，鱼籽提鲜带咸，令炸鸡味道提升。
吉列玉子三文治 $58
好有日式感觉，系超厚身玉子经吉列炸过，玉子口感满足，松软微弹，加酸甜滋味猪排蛋黄酱，好似食紧厚猪三文治，但实质系玉子黎，感觉更有营健康，面包烘得平均又脆身。
店长推介
味噌三文鱼六野菜便当 $118
三文子用味噌腌制同烹煮，咸度适中，仲有三文鱼籽咸鲜味。六款野菜系特别用日式煮法带出野菜鲜味，汁煮日本甜南瓜，多汁甜味突出质感软绵；红萝卜丝有丰富茄红素，味道甘甜；自家种植车厘茄，爆汁清甜；抗炎抗养化西兰花，翠绿保留爽脆口感；酱油香菇，入味咸鲜多汁；抗养化紫椰菜，爽甜颜色靓。六款野菜拌匀珍珠米食，食得健康零负担。
明太子忌廉乌冬 $88
忌廉奶味浓郁，配同样香滑乌冬，拌明太子同三文鱼籽，鲜味爆发，份量唔会太多，所以食完刚好，唔会过腻。
Cookies & cream 停不了Oreo $88
云尼拿雪糕、焦糖酱、牛奶、Oreo……打至细滑，奶昔好香滑，而且唔过甜，奶味较重，忌廉、冬甩、Oreo 饼、曲奇……来装饰，卖相好靓好吸引，大人细路都钟意。冬甩唔太油，口感松化，扎实带点咬口。
柚子白朱古力蛋糕 $48
柚子朱古力慕丝轻盈，质感细腻软滑，中间的柚子啫喱酸甜味中和甜度，亦清新到味蕾，柚子味同白朱古力都浓郁，又唔会抢到两者味道，底层有松海绵蛋糕。
张贴
