法國小屋

营业中

休息中

🔯法式芝士洋葱批～卖相貌不惊人，但系真系好好味😋～切落索索声，入口充满洋葱味，唔油腻，芝士下边全部都系洋葱丝，味道有层次感，个批底焗得好酥脆。🔯即焗苹果批（半份）～卖相令人垂涎欲滴～苹果片好靓咁排列喺批面，厚薄切得适中，咬落有果胶质感，唔会因为切得太薄，而令到口感偏干～哩款苹果批内系冇苹果肉馅，而系多层松脆酥皮，焗得好酥脆🔯法国皇帝批～酥皮配杏仁馅～除咗批面有杏仁之外，馅里面都有一粒粒嘅杏仁碎～食落唔会太甜🔯雪山与白雪～上层系蝶恋花，个紫色真系好靓，下层系鲜奶～唔舍得搅拌去饮，先饮下边嘅鲜奶，好有牛奶味。而上层系好轻微嘅蝶恋花味。室外有两 set 枱，可以携带宠物。pet friendly