新興食家

营业中

休息中

今朝起身突然想食虾饺，于是就落去新兴买。虽知我哋返工人，晚晚返嚟新兴都收咗档，系要weekend先有得食咋...唔想制造垃圾，自己攞咗两个盒落去买，叫咗烧卖、虾饺、流沙包、黑椒爽肚。烧卖：我觉得呢个最好食，虾、冬菇、猪肉都系鲜味、弹牙，唔会好似平时d烧卖一大旧唔知食紧乜，我谂呢个就系手造嘅过人之处。虾饺：虾就的确系粒粒分明兼弹牙，可惜个皮未做到薄而烟靭嘅口感，争咗d。流沙包：用咸蛋黄造嘅流沙包，包身较薄，所以馅料特多，老婆食咗一个已经滞，啱晒我食埋。咸咸甜甜，有层次。可惜佢个心唔系真系好「流」，否则会更为完美。黑椒爽肚：老婆request。我就觉得冇乜特别，都系猪肚咁啦，不过唔系十分入味亦唔系十分弹牙。反而我觉得个咸菜仲入味。总括：烧卖、流沙包好食，其他可以继续发掘下。