囍囍車仔麵 (已結業)

星期六同几个旧同学喺铢记食完饭，再去莲园食埋甜品，发觉都唔系好够饱，正谂住返出铜锣湾再揾嘢食之际，俾我哋发现到呢间小店，我记得早排喺饮食杂志都睇过佢哋嘅访问，一场嚟到跑马地，梗系要试吓啦!我只系叫咗几个净𩠌，我最钟意佢嘅萝卜和猪红，萝卜清甜无渣，好似食紧日式的关东煮咁；猪红无腥味，口感亦佳；另外鱼蛋弹牙，辣味适中；猪皮爽脆，唔会浸发过度，最后要一赞佢哋个汤，好明显唔系味精水，唔会一味死咸，食完唔会觉得口渴。唯一尾中不足系无冷气，现在大热天时食就热咗D，不过我下次都一定会再嚟，因为真系好好食，流住汗食都值得。