MUM 日常野菜料理 (已結業)

星期六嘅下午自己一个食饭，拎住好多嘢，想揾间唔洗等又坐得舒服嘅餐厅，谂谂下就谂起逸东Canteen。到埗发现我都几错，因为都几Full吓，不过总算揾到位，就试下MUM 日常野菜料理。佢都几似素食版MUJI， Menu分热盘同冷盘，可以叫几个𩠌，都系卖健康饮食，俾人感觉都好干净。值得一提，佢份量唔算多，大食嘅可能会唔够。我当日嘅午餐南瓜薯饼，好高质，一啲都唔油，应该系即炸嘅关系，南瓜味好浓好香，加埋少少沙律酱，酸酸咁，谂返起都想再食。Highlyrecommended!茶杯蒸，呢个都好好味，佢同平时食茶杯蒸嘅高汤一样咁香，估唔到素菜可以做到鱼或者鸡咁嘅高汤味，蛋又蒸得滑。柚子醋蕃茄（冷盘），食得出柚子味。不过比起热盘就有点失色。叫咗黄姜饭，食完觉得健康咗，笑～