諾亞半熟蛋糕專門店 (已結業)

今日表妹生日，想买个卡通蛋糕氹下佢开心～之前买半熟蛋糕嘅见到有动物样嘅蛋糕，所以决定再次帮衬。最后我买咗小黄鸭柠檬半熟芝士蛋糕😋个造型超级可爱，搞到表妹有少少唔舍得食落肚😂鸭仔既五官用软朱古力制成，可爱之余食落去又唔会太甜。可以话系食得又睇得👍🏻味道方面，因为系柠檬味，所以有少少酸甜，非常开胃～香浓芝士加上清新柠檬令人即使食饱饭之后食都唔会觉得好济，一啲都唔腻。不过呢款蛋糕切开之后就唔太流心，可能系因为系雪柜拎出嚟之后就直接食😳整体而言，价钱比较大众化，款式又比较特别，值得一试～