麵麵店 (已結業)

星期六11点几，本来我谂住去另一间食早餐，可惜过咗11:30少少，无早餐食。 咁我就喺附近行个圈，睇吓食咩好，行到面面店，见未食过(其实佢开咗咁耐，我都未食过)，又唔使等位，就入去。行匀成间舖，剩返开扬𠮶边(会见到行商场嘅人来来往往)。一开始，我喺坐背位出面，面对收银，食咗一阵(可能6分钟)，就有3个员工经我身后嘅罅怱怱咁行入嚟间舖、再入厨房，我系明白咁行会系最快、最方便佢哋，其实行返外围大门咁入厨房，都系行多10秒? 行大门唔使就住行，又唔会骚扰到食客，但啲员工完全无谂过食客嘅感受！ 后尾，我转咗坐对面，望住啲人咁食，惟有拿拿声咁食埋去😓埋单时，我有同职员反映以上情况，但讲咗两句，对方回应:咩话？ (可能佢哋惯性咁行、咁打搞食客，所以佢哋唔觉有问题？！)我最后就话，其实𠮶个个唔系路口，如果你哋系要用𠮶度出入嘅话，唔该cut咗张台, 唔好左住客人食嘢，食到我唔舒服、唔安乐😖！！