影片
更多
2016-03-04
17146 浏览
又喺一年一度嘅公司周年饭，虽然，今年嘅限额又再多啲，但啲自助餐价钱又再升啲，幸好老细俾嘅预算都算松，大部份五星酒店嘅自助晚餐都足够应付。自从周年饭老细俾我哋放手搞「自己食自己」，无老细同枱，自然食得够自由，够轻松，经大家嘅筛选，定好晌Three on Canton大擦一餐（星期五晚，$628一位，另有78折）。环境方面就唔多着墨，总之地方几大，装修雅致，除自由组合嘅长枱外，又有啲中型6人圆枱，方便一家人围埋坐，易啲倾偈。我哋被安排坐近窗口，落地大玻璃，广东道街景一览无遗。等同事拎完第一转嘢食，就喺小弟出场做巡场嘅时间。初时入门口以为得一截长形食物区，原来，掘个弯仲有另一大截食物区，所以，整体食物嘅选择十分之多。沙律、冷盘虽然最贵价嘅食物肯定喺近门口嘅冻海鲜，不过，见佢不时补充，现场食客斯文，无需要急住食。相反，要延长个战斗力，第一转嘅沙律喺必不可少。6款沙律菜、10多款配料、4款酱汁整齐分区排列好；最有趣喺加插啲萝卜仔，又有好健康嘅黑豆、黎麦……等等健康食材。沙律拼少少冷盘切肠喺小弟嘅惯性头盘，今次嘅亮点喺两款萝卜仔，就咁食爽脆到不得了；而其他材料亦非常新鲜有质素，好似露笋、红菜头、巴
环境方面就唔多着墨，总之地方几大，装修雅致，除自由组合嘅长枱外，又有啲中型6人圆枱，方便一家人围埋坐，易啲倾偈。我哋被安排坐近窗口，落地大玻璃，广东道街景一览无遗。
等同事拎完第一转嘢食，就喺小弟出场做巡场嘅时间。初时入门口以为得一截长形食物区，原来，掘个弯仲有另一大截食物区，所以，整体食物嘅选择十分之多。
沙律、冷盘虽然最贵价嘅食物肯定喺近门口嘅冻海鲜，不过，见佢不时补充，现场食客斯文，无需要急住食。相反，要延长个战斗力，第一转嘅沙律喺必不可少。6款沙律菜、10多款配料、4款酱汁整齐分区排列好；最有趣喺加插啲萝卜仔，又有好健康嘅黑豆、黎麦……等等健康食材。
沙律拼少少冷盘切肠喺小弟嘅惯性头盘，今次嘅亮点喺两款萝卜仔，就咁食爽脆到不得了；而其他材料亦非常新鲜有质素，好似露笋、红菜头、巴马火腿咁，当然黑豆藜麦就要食多两炷啦！
沙律、冷盘
222 浏览
1 赞好
0 留言
虽然无生蚝，但一样满意佢哋嘅冻海鲜阵容：龙虾、龙虾仔、蟹脚 x 2、青口、甜虾、翡翠螺，款款海鲜嘅供应都源源不绝。配柠檬角、鸡尾酒汁都常见，加多埋红酒醋及泰式汁少就有啲，更少有喺第一次见有咁多款「辣椒仔」。
一大碟海鲜拼盘，样样执啲，唯独龙虾仔唔要，拆麻烦，肉又少。最爽喺大大件嘅龙虾肉，又大大件嘅蟹脚，更爽嘅喺其中一款较大嘅蟹脚已批开壳，食用异常方便。款款海鲜都好鲜甜，肉质又爽，食完一口海水鲜味。
海鲜拼盘
417 浏览
1 赞好
0 留言
汤品食咗两转冻嘢，喺时候食少少热嘢缓和吓。汤品有两款（节瓜淡菜汤、蕃茄忌廉汤），有原因唔拣中汤，等阵再讲。个蕃茄汤橙红艳丽，「忌廉」成份应该唔多，所以茄味浓郁，酸香鲜活，正！
蕃茄忌廉汤
143 浏览
1 赞好
0 留言
虽然个汤好饮，但净饮都喺寡啲。见佢有唔少面包款式，有软有硬，有粗有幼，衬番碗汤感觉会更完整。
小弟戏谑自称面包王，都喺虚衔，但同事T就名副其实嘅面包狂，睇我眼前碟面包，相信好少人食自助餐会拎咁多包，小弟都有帮佢食1/3。整体啲包真喺唔错，各有唔同口感，有面包香。
芝士碟冷盘旁设有芝士碟，除一堆粒装笑牛芝士外，仲有瑞士嘅Gruyere、法国嘅Brie及Bleu D'auvergne几款特色芝士，配克力架，又或搽晌面包上都喺唔错。
刺身、寿司、冷面日本嘢唔喺唔钟意食，不过，无理由晌度食寿司㗎；而刺身见款式唔喺点特别，亦都无食；反而，冷面中有一款梅味（粉红色）喺几想试，不过，食食吓忘记咗个梅味荞麦面！
足料炖汤睇到依度就明点解唔使试之前提过嘅中汤。炖汤喺红枣圆肉螺头炖瘦肉，足料无欺场，清润顺喉，寒冬下饮碗炖汤，真喺暖入心肺。
红枣圆肉螺头炖瘦肉
129 浏览
2 赞好
0 留言
虽然，个人嚟讲，都好钟意食粉面、意粉，不过，晌自助餐中，为咗想试多啲嘢，即煮粉面及意粉通常都喺被逼放弃嘅项目。但喺，等大家知道有啲咩选择，贴几张相当有个参考。
热盘热食分开几类，散布几个角落，等小弟先介绍一下当晚大致有啲咩食，之后再分享我试咗啲乜。先讲讲中式，晌面档𠮶边有：古法蒸炉鱼、野菌烧豆腐、鲜虾荷叶饭、南乳猪手；
另一边角落有：当红炸子鸡、蟹肉扒西兰花、瑶柱扒瓜脯、即做片皮鸭、海螺片扒时蔬、芝士龙虾钳，以相片作纪录，应该喺有咁多中式热食喇。
再行过隔离一区，喺印度咖喱专区，食物包括：辣咖喱鸡、印度烤鸡、猪肉咖喱、杂菜咖喱，此外，印度薄饼之外，当然唔少得印度黄姜饭啦。
咖喱专区隔离仲有几款食物，不过，我就唔清楚佢嘅分类，食物款式有喇沙青口、烤鸡、扒车厘茄、炸虾片，小餐包，喺咪睇完都唔知佢嘅类别属咩呢！
再落嚟有即煎鹅肝配法包，见师傅密密手喺咁煎，啲鹅肝嘅油香充斥于空气中。
去到食物近尾部份，就喺精选烤肉配约克郡布丁：南美烧烤及烧羊架，除伴有法式芥辣，更有海鲜莎莎、阿根廷青酱、芒果莎莎、辣椒莎莎作为佐料，等大家晌味道配搭上有更多选择。
最后嘅热盘，较为西式，但再加插其他，包括：烟肉焗蚝、炸薯格、西班牙南瓜辣香肠饭、杂菜千层面、日式炒茄子、阿根廷肉批、巴西烩黑豆、烤甜薯、烧南瓜……等等。所以，综合咁多热食，相信有排你拣。
热盘（一）：烤肉狂热热盘食咗两转，第一转喺个人嘅惯性心水「烤肉狂热」，有烧羊架、南美烤牛肉配芒果莎莎、烧菠萝、煎鹅肝配法包、烟肉焗蚝。个羊架超好食，软腍又带羊膻味，沾法式芥辣一流，煎鹅肝亦都好正，油润甘香，烧菠萝就特别清甜；不过啲烤牛肉唔喺好得，又干又韧，焗蚝缩晒水，唔够肉地。
热盘（二）：精选滋味第一转热盘则会拣啲心水想试试嘅菜式，有印度烤鸡、芝士龙虾钳、扒车厘茄、烤甜薯、烧南瓜、西班牙南瓜辣香肠饭及烤鸡。整体味道唔错，较得小弟欢心有印度烤鸡、扒车厘茄、烧南瓜几样，因为烤鸡好入味，充满印度香料，扒车厘茄好清甜、烧南瓜则够晒粉香。
甜品、生果食咗咁多碟嘢，其实都有所节制，就喺为咗啲甜品。佢哋摆甜品所占嘅地方都算几多，分两个区域，一边L形长枱摆放咗：中式嘅鸡蛋卷、萨琪马、合桃酥及西式嘅即制班戟、朱古力喷泉、面包布丁、窝夫、心太软及Movenpick雪糕。
另一边方形食物枱则放咗多款甜品：豆腐花、芒果车厘子慕丝蛋糕、黑森林蛋糕、玫瑰忌廉芝士蛋糕、椰子花圈、朱古力千层蛋糕、玫瑰荔枝白朱古力慕丝、香蕉合桃面包、热情果啫喱、法式焦糖炖蛋、朱古力布朗尼、南美椰汁饭布甸、桂花柑橘大菜糕、英式士多啤梨布甸、自家制手做朱古力及迷你马卡龙。款式就肯定够晒多，味道就要试过先知；此外，仲有几款新鲜生果：香蕉、苹果、香梨、红桑莓、甜橙、热情果、菠萝、西瓜、哈蜜瓜及莲慕，种类繁多，应有尽有。
因为都去到尾声先食甜品，所以，原先见到有心水嘅都无咗，唯有眼见有咩啱食就拎，结果攞咗：意大利芝士饼、士多啤梨慕丝、热情果啫喱、香蕉合桃面包、朱古力布朗尼 、法式焦糖炖蛋 、面包布甸、自家制手做朱古力及迷你马卡龙。始终喺五星酒店，水准都唔失礼得去边，概况而言，所试到嘅甜品都好好味，个人较钟意热情果啫喱、香蕉合桃面包及朱古力粒，啫喱比较似中式嘅软糕，好浓热情果香，合桃面包嘅香蕉味好浓郁，合桃好脆口，啲朱古力则非常柔滑、甘苦，唔会得个甜字，犹如食法国菜最后嘅法式小甜点（Petit Four）咁。
晌雪糕柜之上，会不时推出新鲜焗制嘅心太软，厨师仲会配上雪糕球，记得唔好错过。睇到个心太软有足够嘅流心效果，就知唔差得去边！
心太软
189 浏览
1 赞好
0 留言
Movenpick雪糕最后冲刺就喺以Movenpick雪糕作结，一杯过5球Movenpick（瑞士朱古力、云呢嗱、士多啤梨、枫糖合桃及香蕉雪葩，而意大利奶冻就无晒，否则喺6球架）。一口气食足5球自然超满足，枫叶合桃及香蕉雪葩最好食，较特别，而朱古力亦都好香浓，再者，Movenpick嘅雪糕软滑富奶香，口感细密，真喺有个满意嘅结束。
Movenpick雪糕
159 浏览
1 赞好
0 留言
张贴
