影片
更多
2009-07-02
45 浏览
喺粉岭返工返咗两年都未嚟过哩间嘢, 谂唔到最后一个月留喺联和墟既日子, 竟然一口气帮衬咗哩度三次。第一次嚟食系晚饭, 第二次午餐, 都系同大食同事一齐嚟, 所以佢地嫌哩间嘢塞佢地唔饱。今次两个人撑枱脚, 三个𩠌都食唔晒。前两次试过几味𩠌都觉得水准好好, 所以对佢个大厨好有信心。今次嚟摆明系玩嘢, 专登嗌啲出面唔常见既𩠌。1. 金牌咸香鸭外表似普通咸水鸭, 食落除咗鸭脚位有咸香外, 亦都唔觉有咩特别。但原来精粹在个汁, 话甜又唔系甜, 话酸又唔系酸, 好诡异, 但夹埋个鸭食又好好味㖞~~~2. 酱油焗鸭下巴咸香鸭味啖, 哩个𩠌味浓, 所以刚刚好dun番匀, 令同行友人赞不绝口。3. 蒸蚬干 (原本个𩠌名系有成八九个字, 我读完个waitress好似听唔明, 呆咗三秒先恍然大悟, 然后就话「哦, 蒸蚬干」*_*)系一个惊喜。哩个应该系一个下酒𩠌, 或者用嚟送粥食, 所以下次都应该唔会专登再嗌。今次误打误撞试到, 觉得虽然蚬仔有啲干同硬, 但用嚟送饭一流, 令人想食多两碗。4. 绿豆沙送既。好多渣同埋好沙.. 又唔太甜, 好正。想呃多两碗。次次嚟到都见到隔嚟枱啲𩠌好吸引, 睇嚟再嚟多几次都唔
第一次嚟食系晚饭, 第二次午餐, 都系同大食同事一齐嚟, 所以佢地嫌哩间嘢塞佢地唔饱。今次两个人撑枱脚, 三个𩠌都食唔晒。
前两次试过几味𩠌都觉得水准好好, 所以对佢个大厨好有信心。今次嚟摆明系玩嘢, 专登嗌啲出面唔常见既𩠌。
1. 金牌咸香鸭
外表似普通咸水鸭, 食落除咗鸭脚位有咸香外, 亦都唔觉有咩特别。但原来精粹在个汁, 话甜又唔系甜, 话酸又唔系酸, 好诡异, 但夹埋个鸭食又好好味㖞~~~
2. 酱油焗鸭下巴
咸香鸭味啖, 哩个𩠌味浓, 所以刚刚好dun番匀, 令同行友人赞不绝口。
3. 蒸蚬干 (原本个𩠌名系有成八九个字, 我读完个waitress好似听唔明, 呆咗三秒先恍然大悟, 然后就话「哦, 蒸蚬干」*_*)
系一个惊喜。哩个应该系一个下酒𩠌, 或者用嚟送粥食, 所以下次都应该唔会专登再嗌。今次误打误撞试到, 觉得虽然蚬仔有啲干同硬, 但用嚟送饭一流, 令人想食多两碗。
4. 绿豆沙
送既。好多渣同埋好沙.. 又唔太甜, 好正。想呃多两碗。
次次嚟到都见到隔嚟枱啲𩠌好吸引, 睇嚟再嚟多几次都唔会厌。可惜我留喺联和墟既日子只系剩番两日.. 真系太迟先嚟食嘞。
张贴
