王朝潮順館

营业中

休息中

D嘢系几好食㗎，所以每当朋友问起，我都会推介呢间舖的。可惜今日去到，佢哋话冇位，带我地去隔离间烧烤铺（千味烧)坐，不过𠮶度好大阵噏味，虽然坐咗10分钟到，就开始闻唔到。但当我食食吓件鹅时，有个女侍应突然走入嚟好大声咁叫我地转枱，但之前系佢指明要我地坐呢张枱的，原来因为隔离枱客食完走咗，佢要安排并排7个位的枱俾另一班客，但由于佢礼貌欠奉，又搞到全场D人都望住我哋，咁我就婉转地拒绝，之后就惨啦….. 被人言语单打，安排𠮶班客坐我地对面等，关细我哋附近的冷气，咁我再食多一阵，实在太不安喇，就攞个盒装起D嘢返屋企食啦。唉！好尴尬好尴尬。到返过隔离cashier俾钱时，又系𠮶位女侍应收钱，又要被黑面了。D食物虽然好味，但真系唔敢再帮衬，太可惜了。