麵麵 (已結業)

话说朋友有好介绍，话有间鱼面既餐厅好正！我话「鱼面系啲潮州粉面档都有得食啦，有咩出奇姐？」佢话「唔止鱼面，仲有鱼乌冬架！」就呢个鱼乌冬就吸引左对间餐厅我既好奇啦。不过疫情关系，我地要买走番屋企食啦！去买外卖个时都留意到，呢间餐厅环境都唔差，装修得都几靓！极上蟹匠拌鱼乌冬我叫个个拌鱼乌冬个价钱虽然唔算平，而且份量都唔算多，不过就好足料，有蟹膏、蟹籽、蟹肉，好有诚意。第一次食既鱼乌冬几特别，比食开既乌冬幼身一啲但好有咬口，推荐大家一定要试下！极尚鱼宴料理呢道菜我就叫左鱼面试下，鱼面非常爽口弹牙，食落好似食紧面型鱼蛋咁，个口感好特别，再加埋花胶浓鱼汤，汤饮落好顺喉舒服，唯一美中不足既系因为外卖限制，所以汤既份量唔算太多，如果可以再加多d就更加perfect。另外，呢道菜既𩠌都系重点之一，鱼皮菜肉饺子外皮系鱼皮饺外皮, 但系内馅系韮菜加猪肉，感觉就系大旧版既鱼皮饺咁，食落去好过瘾，而春卷都制作得好用心，分墨鱼同鱼肉春卷，食落去墨鱼同鱼肉味都好出，而鱼蛋同虾都好弹牙新鲜，整体而言外卖质素算系几好。