龍悅 (已結業)

第一次去小西湾揾朋友，然后朋友带我哋去小西湾广场3楼间龙悦食晚饭。我哋叫咗6份原只鲍鱼扣玉掌$118，鲍鱼和玉掌都炆得好好味。红葱头贵妃鸡一只，加埋清蒸沙巴龙趸仔及叉烧皇共$128，虽然贵妃鸡卖相摆得一般，但系估唔到食落鸡肉好滑，仲有好香嘅葱头味，条鱼又蒸得时间啱啱好，叉烧又好好食。另外仲叫咗鲜淮山云耳炒金瓜$75、白灼海生虾$98、客家煎酿豆腐$78、黑椒德国咸猪手$88，都煮得唔错。总结：食物水准比预期中好食，职员态度又比想像中好，最后仲有送每人一碗红豆沙，成晚大家都食得好开心。