影片
更多
2016-08-16
1379 浏览
补祝朋友生日，于是嚟左呢间餐厅食饭，因为佢地既食物唔错又有live听～睇佢地餐牌专登有一页介绍佢地采用既「水耕菜」，无基因改造、无养药、干净零污染、营养价值高、独立包装开封即食！一场嚟到，要试试啦：《北海道带子沙律 $118》有菜叶同蕃茄+菠萝粒舖底，带微辣。本人食法--- 将带子切粒伴埋蕃茄+菠萝粒放喺菜叶上一口食，原来好正。《蟹肉大虾沙律 $118》蟹肉大虾都好鲜甜、肉质弹牙，而另一吸睛之处系顶上既黄色粒粒------带lemon味道，份子制作。连同沙律一齐食好有调味既作用。《低温三文鱼配蟹肉牛油 $148》三文鱼以低温制作，所以内里有7成熟，而外层煮香。水份被锁住所以唔会干至鞋口。《慢煮黑安格斯牛柳 $288》话明慢煮，所以制作需时，最好一坐低就落单，食完头盘饮阵酒时间就岩岩好。 好欣赏呢个菜，牛柳煮到7-8成熟，但绝对唔会血淋淋带血腥，反而每口都好稔并带牛肉味。舖底既野菌粒都被炒香过，而且碟上洒有粗海盐，真系唔需要酱汁，单用海盐作牛柳既调味已经不错。《泡沫龙虾汤 $68 x2》份量似饮espresso, 杯内放左都算大旧既龙虾肉，整体龙虾味浓，但以呢个份量嚟计，略贵。《香脆原只
补祝朋友生日，于是嚟左呢间餐厅食饭，因为佢地既食物唔错又有live听～
睇佢地餐牌专登有一页介绍佢地采用既「水耕菜」，无基因改造、无养药、干净零污染、营养价值高、独立包装开封即食！一场嚟到，要试试啦：
《北海道带子沙律 $118》有菜叶同蕃茄+菠萝粒舖底，带微辣。本人食法--- 将带子切粒伴埋蕃茄+菠萝粒放喺菜叶上一口食，原来好正。
《蟹肉大虾沙律 $118》蟹肉大虾都好鲜甜、肉质弹牙，而另一吸睛之处系顶上既黄色粒粒------带lemon味道，份子制作。连同沙律一齐食好有调味既作用。
《低温三文鱼配蟹肉牛油 $148》三文鱼以低温制作，所以内里有7成熟，而外层煮香。水份被锁住所以唔会干至鞋口。
《慢煮黑安格斯牛柳 $288》话明慢煮，所以制作需时，最好一坐低就落单，食完头盘饮阵酒时间就岩岩好。 好欣赏呢个菜，牛柳煮到7-8成熟，但绝对唔会血淋淋带血腥，反而每口都好稔并带牛肉味。舖底既野菌粒都被炒香过，而且碟上洒有粗海盐，真系唔需要酱汁，单用海盐作牛柳既调味已经不错。
《泡沫龙虾汤 $68 x2》份量似饮espresso, 杯内放左都算大旧既龙虾肉，整体龙虾味浓，但以呢个份量嚟计，略贵。
《香脆原只辣墨鱼配墨鱼汁意大利粉 $218》好香, 墨鱼大部分够稔且入味，唯有小部分较难切开，但我相信客人可以叫厨房煮稔d(!?) 墨鱼汁意大利粉既调味做得几惹味，带小辣。
《puzzy fruit $78》(右）不过不失既Mocktail，唔太甜，算大杯慢慢饮。
《Refreshing (lychee mixed with cucumber ,top with sprite) $88》（左）
Mocktail 嚟，有d人怕青瓜味，但其实青瓜汁同好多果汁好夹，今次就沟左荔枝味，好清甜唔会有糖浆味。
《BV teenager (kiwi sour apple & a hint of mint) $118 》（左）以餐厅名字起既Cocktail，要一试。鲜Kiwi味既cocktail比较少见，虽然带rum, 但酒味唔浓，被好fresh既kiwi味盖过，令我不以为意饮到面都红晒，哈哈。
《draught beer $78》（右）
听live男士比较喜欢饮啤酒，叫杯生啤就岩晒。
生日点可以无蛋糕(不过得散件装），都几大件：
《new york cheesecake $98》普通，芝士味唔浓。
《松露朱古力蛋糕 $98》
我觉得似mud cake, 实身都算落足料，甜度适中、朱古力同mousse都几滑。
张贴
