富泰家 (已搬遷) 新店位置

1月1日, 踏入2011年, 又系一个新嘅开始~ 最紧要梗系食得富泰~ 今日就一于去富泰家食个捞面捞起下先~ Tea time嚟到, 难得有tea食, 真系无理由唔叫!::: 脆皮鸡扒捞面 + 低糖绿茶 ::: $24由于系下午茶份量, 捞面都颇细碟, 伴以四块鸡扒. 脆皮鸡扒并无名不副实, 鸡皮的确够脆! 鸡肉有弹性, 而且干身唔油腻~ 面呢就有d似印尼捞面… 煮得都ok唔会过淋. 捞面同鸡扒都用上近似照烧汁咁嘅带甜味酱汁, 质地就稀稀地~ 值得一赞嘅系佢加咗d白菜仔同车厘茄, 中和下d捞面同鸡扒嘅肥腻感!低糖绿茶似系道地d味… 胜在茶味浓得又有淡淡清甜~ 都唔错!::: 盐酥鸡翼伴鸭胸汤面 + 低糖绿茶::: $25盐酥鸡翼同埋鸭胸都分碟上, 唔会索晒汁浸淋晒, 几好~ 煎过嘅鸡翼几惹味, 盐酥应该只系加咗d调味料上去, 味道唔太突出~ 鸭胸都有煎过下, 不过㶶咗dd, 味道正常~ 汤面用咗出前一丁, 加埋麻油味汤底, 直情屋企都煮得出, 好在都加咗几条白菜仔, 唔会咁斋~ 整体算ok~捞起捞起, 捞到风生水起~ 知道呢度有芝士捞面食, 仲差唔多枱枱都有叫, 似乎都真系几出名咁!